"Олардың Алматы облысында жиі кездесетін көптеген қылмыстарға қатысы бар болып шықты. Олар осыған дейін бопсалау, тонау, озбырлық, бұзақылық, кәсіпкерлерге қысым көрсету, мал ұрлығы сияқты бірқатар тәртіпсіздіктер жасаған. Күдіктілерді ұстау және тұрғылықты жерінде тінту кезінде 4 атыс қаруы, 177 оқ-дәрі, 7 граната, арнайы техника, сондай-ақ ағымдағы жылдың қаңтарында Алматы қаласында тонауға қатысқанын растайтын заттар: радиостанциялар, пиар таяқшалары, сауыт-саймандары тәркіленді", – делінген ҰҚК хабарламасында.

Ұсталғандар Алматыдағы ІІД мен ҚМДБ-ның уақытша ұстау изоляторына қамалды. Қылмыстық кодекстің 287-бабының 3 және 4-бөлігі "Атыс қаруын, оқ-дәрілерді, жарылғыш заттарды немесе жарылғыш құрылғыларды заңсыз алу, беру, өткізу, сақтау, тасымалдау немесе алып жүру" бойынша қылмыстық іс қозғалды.

"Кешенді жедел-іздестіру шараларының нәтижесінде ұйымдасқан қылмыстық топ мүшелеріне тиесілі қару-жарақ сақтау қоймалары табылды. Алматы облысының Еңбекшіқазақ ауданында екі қойма табылды, олардан 44 атыс қаруы мен 3 суық қару, сондай-ақ 20 оқ тәркіленді. Тәркіленген қару-жарақтарды анықтау, сондай-ақ олардың қаңтар оқиғасында қолданылуын анықтау шаралары жүргізілуде", – деп толықтырды ҰҚК.

Жедел-іздестіру шаралары жалғасуда.

Бұған дейін Ішкі істер министрлігі бірнеше қалада қылмыстық топ жетекшілері мен мүшелерінің ұсталғанын хабарлаған болатын. Бұл қалалар – Нұр-Сұлтан, Алматы, Ақтөбе, Өскемен және Қызылорда. Полиция күдіктілердің 4-7 қаңтарда болған тәртіпсіздікті ұйымдастыруға қатысы бар екенін айтады.

Талқылау