#НеМолчиKZ қозғалысының жетекшісі Дина Смаилованың жазуы бойынша, қыз Әуезов аудандық полицияның қақпасының алдында "ҰҚК өкілімен" кездеседі. Бойжеткен бұл уақытта тергеушімен жолығуға келген. Ол азаматтық некедегі күйеуімен кездесуге және алдын-алу шарасы ретінде тергеу сотының шешімін рұқсат алу үшін келді. Бойжеткен тергеуде жатқан күйеуімен заңды некеге отырмақ еді. Олар бір жылдан астам уақыт бірге болған, үйленетін уақытта күйеуі қылмыс жасап, тергеу изоляторына түседі.

ҰҚК-нің жанында өзін ҰҚК қызметкерімін деген ер адам қызға жақындап, оның сеніміне кіреді. Оған көмектесетінін айтып, пәтеріне апарып, сонда зорлайды.

Осыдан кейін күдікті "бұдан былай менің әйелім боласың" деп қорқытқан. Кез келген уақытта оны алып кететінін, онымен мүшеқапсыз жақындасатынын, оның бала туып беруі керек екенін айтады.

"Ол қызды пәтерден шығарғысы келмеді, азаматтық күйеуін есіне түсіруге тыйым салды. Бойжеткен компанияда экономист-менеджер ретінде жұмыс істейді. Бірінші некесінен екі баласы бар. Ата-анасымен және екі баласымен тұрады. 90-жылдары осылай бопсалайтын еді, бірақ қазір бұл жабайылық. Қыз балалары барын айтып өтінген соң күдікті оны еркіне жіберген. Алайда хабарласқанда тұтқаны көтеруін, оның хабарларына жауап беруін талап етті"- деп жазды Дина Смаилова.

Бұл жағдай тағы да қайталанды. Қыз мән-жайды ата-анасыны айтқан соң, олар полицияға жүгінді.

"Шын мәнінде, айыпталушының құқық қорғау органымен ешқандай байланысы жоқ. Алдау және бопсалау арқылы ол әйелді жыныстық қатынаста болуға көндірді, ал ол мұны бірнеше рет және оның еркінсіз жасады. Психологиялық қысым мен зорлық-зомбылыққа төтеп бере алмаған әйел бір күні ата-анасына өзінің қиын өмірлік жағдайы туралы айтты, содан кейін бұл туралы бізге белгілі болды. Жәбірленушінің мәлімдемесі Алмалы ауданындағы полиция бөлімінде тиісті түрде орындалды.

Қазір Қазақстан Республикасы Қылмыстық кодексінің 120-бабы 2-бөлігі бойынша қылмыс негізінде сотқа дейінгі тергеу амалдары жүргізілуде. Күдіктінің жеке басы дереу анықталды, ол ұсталып, қамауға алынды. Қажетті сараптамалар тағайындалды. Өндіріс тергеудің толықтығын және объективтілігін қамтамасыз етеді", - деді Алматы полиция басқармасы бастығының орынбасары, полиция полковнигі Санжар Әділов.

Талқылау