Алматыда автобус әйел мен баласын қағып кетті
Алматыда автобус әйел мен баласын қағып кетті. Бұл туралы Stan.kz ақпарат агенттігі хабарлайды.
Әлеуметтік желіде тараған видеодан №129 автобустың жаяу жүргіншілер жолымен өтіп бара жатқан әйел баланы қағып кеткенін анық көруге болады.
Алматы полициясының мәліметінше, оқиға 4 наурыз күні таңертең Медеу ауданында болған.
"Автобус жүргізушісі Райымбек даңғылымен шығыс бағытта келе жатып, Қонаев көшесіне оңға бұрылып, бағдаршамда жолды кесіп өтіп бара жатқан әйел мен баланы қағып кеткен. Әйел жақын маңдағы ауруханалардың біріне жеткізілді. Бала зардап шеккен жоқ. Қазір жол-көлік оқиғасының мән-жайын Медеу аудандық полиция бөлімінің қызметкерлері анықтап жатыр", – делінген полиция хабарламасында.
Еске салсақ, бұған дейін Алматыда автобус өртенгені туралы жазған едік.
"Дәрінің құны 1,5 миллиард теңге": Бұлшықеті әлсіз қазақстандық бүлдіршінге денсаулық сақтау министрлігі көмек көрсетуден бас тартқан
Дәрігерлер қателесіп, 4 ай бойы баланы бауыр фиброзынан емдеген
Қазақстан әйелдерінің үйдегі тегін еңбегінің құны қанша: Есептеп көрдік
Оқырман: "Әйелдер де күнделікті тұрмыстан шаршайды, кейде демалып алғысы келеді"