Алматыда ағаш бұтағы құлап, бір қыз қаза тапты
Алматыда ағаш бұтағы құлап, бір адам қаза тапты. Оқиға орнында полиция жұмыс істеп жатыр. Бұл туралы Stan.kz ақпарат агенттігі хабарлайды.
Қайғылы оқиға 13 тамыз күні түскі сағат 12:00 шамасында "Қарасай паркі" тұрғын үй кешені маңындағы Әди Шәріпов пен Қарасай батыр көшелерінің қиылысында болған. Мәліметке сәйкес, сынған ағаш бұтағы қыздың үстіне құлап, ол сол жерде жан тапсырған.
Оқиға болған жер қазір қоршауға алынған. Оқиға орнында полиция қызметкерлері жұмыс істеп жатыр.
Марқұмның аты Татьяна. Ол жақын маңдағы кеңседе есепші болып жұмыс істеген. Оқиға кезінде ол әріптесімен бірге кеңсеге қайтып келе жатқан. Екінші қыз қашып үлгерген, ал бұтақ Татьянаның үстіне құлаған. 27 жастағы марқұмның артында алты жасар баласы мен күйеуі қалды.
Алматы полиция департаментінің мәліметінше, бұл факті бойынша қылмыстық іс қозғалды. Жағдайдың мән-жайы анықталып жатыр.
"Сот шешіміне дейін пәтерде тегін тұра ала ма": Үй иелері мен жалға алушылар Қазақстандағы жаңа өзгеріске байланысты нені білуі керек
Қожайындар енді екі айлық пәтер ақысын депозит ретінде бірден сұрайды
Қазақстандық оқушы ауа арқылы су тапшылығын жоюдың жолын қалай ойлап тапты: Оның өнертабысына шетел қызығуда
Ол жақында Венадағы БҰҰ штаб-пәтерінде Cleantech Days Forum 2026 форумында әлемнің үздік үш жас өнертапқышының қатарына енді