Астанада ұры дүкенге жер бауырлап кіріп, 14 телефон ұрлаған
Астана полицейлері аса қызық жолмен жасалған қылмыстың бетін ашты. Смартфон сататын дүкенді тонау үшін бірнеше рет сотталған 21 жастағы елорда тұрғыны бетперде киіп кірген. Бұл туралы Stan.kz ақпарат агенттігі КТК арнасына сілтеме жасап хабарлайды.
Видеодан скриншот
Бейнебақылау камераларына қарағанда, оның ептілігіне көз түседі. Камераға түсіп қалмас үшін қаскөй дүкен терезесіне қарай еңбектеп келген. Сосын терезені ашып, салонға кіріп, сол жерден 14 IPhone телефонын ұрлап кеткен. Шығарда ол қайтадан жер бауырлап кеткен.
Жігіт ұрланған телефонның бәрін сатып жіберіпті.
“Жедел іздестіру шаралары барысында полиция қызметкерлері шабуылдаушының кім екенін анықтады. Ол бұрын бірнеше рет сотталған 21 жастағы елорда тұрғыны болып шықты. Ол ұрланған гаджеттерді Тараз қаласындағы ломбардқа тапсырып үлгерсе, қалғанын елордадағы адамға сатып жіберген”, – деді Астана қалалық полиция департаменті баспасөз қызметінің жетекшісі Гүлмира Шырақметова.
"Үйді тіреп тұрған жерге құрылыс бастады": Алматыдағы "Три богатыря" тұрғындары баспаналары құлап қала ма деп алаңдаулы
Әкімдік құрылыс жұмыстарын уақытша тоқтатты
"Өлім аузынан қалдық": Түркістан облысында су басқан ауыл тұрғындары мал-мүлкінің көз алдында ағып кеткенін айтты
Бұл жолы нөсер небәрі жарты сағатқа ұласқан. Соның өзінде топан су қора-қопсыны қиратып, үй қоршауының түгін қалдырмай құлатып тастаған