Алматы облысындағы зауытта жарылыс болған: 5 адам зардап шегіп, 1 адам қаза тапты
Алматы облысы Іле ауданындағы жылу оқшаулағыш плиталар шығаратын зауыттардың бірінде газ-ауа қоспасы жарылып, артынан өрт шықты, деп хабарлайды Stan.kz ақпарат агенттігі.
Іле ауданы Өтеген-Батыр ауылындағы зауыттардың бірінде газ-ауа қоспасы жарылды. ТЖД кезекші пультіне қоңырау бүгін, 31 тамызда, таңғы сағат 10-да түскен. Оқиға салдарынан 5 адам жарақат алып, 1 адам қаза тапты.
"Оқиға орнына бірден жоғары тұрған өрт сөндіру бөлімшелері жіберілді. Шақыру орнына жеткенде 50 шаршы метр аумақта екі қабатты ғимараттың қабырға жабыны өртеніп жатқаны анықталды. Сондай-ақ жарылыс салдарынан ғимараттың шатыры мен қабырғалары опырылып, өрттің жалпы ауданы 1250 шаршы метрді құраған", – деп хабарлады ТЖД баспасөз қызметі.
Қазір оқиға орнында тергеушілер жұмыс істеп жатыр, оқиғаның себептері анықталуда.
Талқылау
Министр Нұртілеу ұсталды деген сыбыс қазақстандықтарды дүрліктірді: Бұл істің соңы немен бітті, Бажкенованы не күтіп тұр?
Соңғы күндері қазақстандық билік Гүлнәр Бажкеноваға бірнеше мәрте ескерту жасады
“50 жыл басқа елде тұрған ата-анам артымнан еріп, көшіп келді”: Қазаққа келін болып түскен корейлік ару жаңа отбасы туралы айтып берді
Екатерина Жанғарина: "Екі үлкен шәугім сүті бар шай беріп, "құя бер" деді"