Соңғы жаңалықтар
Соңғы жаңалықтар

Алыпсатарларға тосқауыл: Елімізде темір жол билеттерін сатудың жетілдірілген жүйесі іске қосылды

Қазақстанда бүгіннен бастап электронды темір жол билеттерін сатудың жетілдірілген жүйесі іске қосылды. Жаңа жүйе «Жолаушылар тасымалының» билет алыпсатарларына  тосқауыл қоюға бағытталған әрекеті болып табылады, деп хабарлайды Stan.kz ақпарат агенттігі ұлттық тасымалдаушы компанияның баспасөз қызметіне сілтеме жасап. 

Алыпсатарларға тосқауыл: Елімізде темір жол билеттерін сатудың жетілдірілген жүйесі іске қосылды

Аталған жүйе бос билеттерді белгілі бір уақыт аралығында ғана сатылымға түсіреді. Оның уақыт алгоритімін автоматика өзі есептеп шығарады. Егер касссир 30 секунд бір типті 5 сұраныс жасаса – онда жүйе оны бұғаттап тастайды. Егер бір мезетте 3 бірдей сұраныс жасаса – онда оған «жүйе 5 минутқа бұғатталады» деген хабар түседі. Яғни бұл жүйе бос билеттерді «алып қалуға» қарсы бағытталған. 

Ескі жүйеде жолаушылар тарапынан қайтарылған билеттер сол  мезетте сатылымға шығып,  алыпсатарлардың қолына түсетін еді. Олар осыны пайдаланып алынған жол құжаттарын бірнеше есе қымбат сатып, пайда табатын.

Жолаушылар жол жүру билеттерін «Жолаушылар тасымалы» АҚ-на қарасты 233 кассадан, жеке меншік 4500 кассадан, EPAY.RAILWAYS.KZ ресми сайтынан және де басқа да ғаламтордағы сату көздері арқылы ала алады. 

Ұлттық тасымалдаушы компания жол билеттерін тек аталмыш сату орындарында алуларыңызды сұрайды. 

«Егер де заңсыз билет сатқан фактілерге тап болсаңыз - міндетті түрде жол торабындағы ҚР ІІМ Көліктегі полиция департаментінің қызметкерлеріне шағымдануларыңызды сұраймыз», - делінеді хабарламада.

Талқылау