"Денесінің сау-тамтығы қалмаған": Жамбыл облысындағы жас сарбаздың өліміне қатысты жаңа ақпарат айтылды

Қорғаныс министрі генерал-лейтенант Руслан Жақсылықов Гвардиялық гарнизондағы Жамбыл облысы жас сарбаздың өліміне қатысты қызметтік тергеудің барысын жеке бақылауына алды. Ол жас сарбаздар арасында әлімжеттік фактілері анықталатын болса, сол әскери бөлімнің қолбасшылығының жауапкершіліктен құтылуына жол бермейтінін мәлімдеді, деп хабарлайды Stan.kz ақпарат агенттігі “Караван” порталына сілтеме жасап.

“Денесінің сау-тамтығы қалмаған. Бізге әскери бөлімнен қылмыскердің темір торға қамалғандығын айтты. Алайда бұл ақпараттың қаншалықты рас екеніне көзіміз жеткен жоқ. Ол жағы құпия болып тұр. Барша қазақстандықтардың бейжай қалмауын сұраймыз. Себебі бүгінгі менің ағамның басынан өткен оқиға ертең басқа біреуде болмасына кім кепіл? Бұл туған жерін, елін қорғаймын деп кеткен балалардың бірінші өлімі емес. Анасы мен әкесінің, туыстарының бәрінің жүрегі ауыруда. Біз мұнымен тоқтап қалмаймыз, кінәлілер жазасын алғанын қалаймыз”, - деді Әлібектің әпкесі.

Гвардиялық гарнизоны Әскери полиция басқармасының бастығы, полиция подполковнигі Серік Мұханов бұл фактіні ағымдағы жылдың 22 сәуірінде ҚР ҚК 440-бабы (бағыныштық болмағаны үшін әскери қызметшілер арасындағы әлімжеттік) бойынша тіркелгенін растады. 

"Оңтүстік өңірі бойынша Әскери-тергеу департаментінің Гвардиялық басқармасының жедел-тергеу тобы қазір болған оқиғаның барлық нұсқаларын қарастырып жатыр. Қажетті сараптамалар жүргізіліп қойған. Қазір оның нәтижесін күтіп отырмыз.", - дейді Серік Мұханов.

Әскери полиция офицерінің айтуынша қатарда тұрған сарбаз ауырып, құлап, басының артқы жағына қатты соққы тиген кезде ол шұғыл түрде гвардиялық гарнизонның әскери госпиталіне жеткізілген.

“Сағат 10:35-те әскери қызметшінің биологиялық өлімі анықталды. Дәрігерлер өз актінде алдын ала қойған диагнозы кенеттен жүрек тоқтауы өлімі”, - деп жалғастырды Серік Мұханов.

"Дайындау мектебінің" бастығы майор Әлімов, оның тәрбие және идеологиялық жұмыс жөніндегі орынбасары, подполковник Жұмашев,  Сейіткерімов атындағы мектептің сержанты. Олардың бәрінен жауап сұралып, түсіндірме хаттары алынған. 

“Тергеу жүріп жатыр, мен ешқандай мәліметтерді айта алмаймын. Ең бастысы, бұл жерде ешкім жасырын әрекетке бармайды. Алдымен әлімжеттіктің алдын алу жүзеге асырылуда”,- деп қосты Серік Мұханов.

Әзірге 30212 әскери бөлімінің командирі полковник Доспаевтан түсініктеме алу мүмкін болмаған. Оның оқу ісі жөніндегі орынбасары, подполковник Нұралин оның қызметте де қауырт екенін айтады. Бұл офицер өткен жылы Ақтаудан 30212 әскери бөліміне ауысып, теңіз жаяу әскері бригадасында қызмет еткен. Әскерден келген кейбір мәліметтерге қарағанда ол қызметтегі елеулі кемшіліктері үшін Отарға жер аударылып, кейін кейбір төтенше жағдайларға себеп болған. Бірақ әлдебір үлкен бастықтың жоғарыдан қолдауының арқасында белгілі бір себептермен оны қызметте қалдырған.

Енді тергеу сол әскери бөлімде не болғанын анықтауы керек. Оқиға орнында орнатылған бейнебақылау да сарбаздың өлімінің себептерін анықтай алады.