Алғашқы транзакциядан ұлттық деңгейдегі мойындауға дейін: Bank RBK банкаралық QR-ды дамытуға қосқан үлесі үшін марапатталды

Bank RBK ұлттық төлем инфрақұрылымын дамытуға қосқан елеулі үлесі және нәтижелі ынтымақтастығы үшін Қазақстанның Ұлттық төлем корпорациясының марапатына ие болды.

Бұл марапат банктің Қазақстанның қаржы нарығын цифрлық трансформациялаудағы маңызды жобалардың бірі – банкаралық мобильді төлемдер жүйесі мен бірыңғай банкаралық QR жүйесін енгізуге белсенді қатысқанының айқын дәлелі болды.

Bank RBK бұл жобада ерекше рөл атқарды. 2024 жылдың қараша айында банк Қазақстанда алғаш болып бірыңғай банкаралық QR-код арқылы демонстрациялық транзакцияны сәтті жүзеге асырды. Осылайша, Қазақстан Республикасы Ұлттық Банкі Ұлттық төлем корпорациясының пилоттық жобасы аясындағы алғашқы операция бойынша эмитент банк атанды. Нәтижесінде Bank RBK бүгінде қолма-қол ақшасыз есеп айырысудың бірыңғай салалық стандартына айналып келе жатқан жаңа технологияны енгізген алғашқы қаржы ұйымдарының бірі болды.

Бірыңғай банкаралық QR клиенттерге қай банктің мобильді қосымшасын пайдаланатынына қарамастан және сауда орнында қай банктің терминалы орнатылғанына қарамастан, сатып алған заттарыңыз үшін төлем жасауға мүмкіндік береді. Бизнес үшін бұл қолма-қол ақшасыз төлемдерді қабылдау шығындарын азайтып, бірнеше POS-терминал орнату қажеттілігінсіз кез келген қызмет көрсетуші банкпен жұмыс істеуге жол ашады.

2025–2026 жылдары Қазақстан Ұлттық Банкі мен Ұлттық төлем корпорациясы жүйеге банктерді қосуды кезең-кезеңімен кеңейтті. Бұл ретте банкаралық QR-төлемдерді дамыту елдің заманауи ұлттық төлем инфрақұрылымын қалыптастырудың маңызды кезеңдерінің бірі ретінде қарастырылды.

"Бұл марапатты иелену – Bank RBK үшін үлкен мәртебе. Біз басынан бастап Қазақстан Ұлттық Банкі мен Ұлттық төлем корпорациясының бастамасын қолдадық. Себебі банкаралық QR Қазақстандағы төлемдердің жаңа стандартына айналатынын түсіндік. Әсіресе дәл осы технология бойынша алғашқы транзакцияны Bank RBK-ның жүзеге асырғаны ерекше мәнге ие. Осылайша, біз жаңа шешімді іске қосуға іс жүзінде үлес қостық. Бүгінде біз заманауи төлем сервистерін дамытуды жалғастырып, клиенттеріміздің күнделікті қаржылық операцияларын барынша ыңғайлы, жылдам әрі қауіпсіз етуге ұмтылып келеміз", – деді Bank RBK басқарма төрағасының орынбасары Айдос Мұхамеджанов.

Алынған марапат Bank RBK-ның Қазақстанның цифрлық төлем экожүйесін дамытуға қосқан үлесін айқындайды және клиенттерге қолайлылық жасауға, сондай-ақ қолма-қол ақшасыз экономиканы дамытуға бағытталған инновациялық қаржылық сервистерді енгізу бойынша банктің жүйелі жұмысын көрсетеді.

ҚР Қаржы нарығын реттеу және дамыту агенттігі берген 15.07.2026 жылғы №1.1.821.135 лицензиясы