"Қаңғыбас мысықтарды "рұқсат етілмеген" жерде, №38 орта мектепте, яғни қоғамдық орында тамақтандырыпты. Қандай бұзушылық екенін әлі түсінбедім? Қаңғыбас мысықтарды тамақтандыруға болмай ма? Немесе рұқсат етілмеген жерде тамақтандыруға болмай ма? Рұқсат етілген орындар қайда?Мейрамханада ма? Қоғамдық жерде тамақтандыруға болмай ма? Ал қоғамдық емес орындарда?"- деп ашуланды адвокат.

Оның сөзінше, хаттамадағы Әкімшілік құқық бұзушылық туралы кодекстің бабы да дұрыс көрсетілмеген.

" ҚР ӘҚБтК-нің 408-бабы дұрыс емес - ауыл шаруашылығы жануарларын жаю қағидаларын, иттер мен мысықтарды асырау және серуендету қағидаларын, қаңғыбас иттер мен мысықтарды аулау және жою қағидаларын бұзу туралы. Бұл баптың үйсіз мысықтарды тамақтандыруға ешқандай қатысы жоқ", - деп толықтырды Жангелді Сүлейменов.

Ол Қазақстан заңнамасында үйсіз жануарларды тамақтандыруға тыйым салатын бап жоқ екенін атап өтті.

"Бүкіл әлемде адамдар бақытсыз тіршілік иелеріне көмектесуге тырысады, ал біз бұл үшін айыппұл саламыз", - деді адвокат.

Ол прокуратура мен Ақтөбе полиция бөліміне жүгініп, әйелге жазылған хаттама мен айыппұлды алып тастауды, сондай-ақ уәкілетті полицейді жазалауды және оны 100 қаңғыбас мысықты тамақтандыруға мәжбүр етуді сұрады.

Ақтөбе мамандандырылған әкімшілік сотының баспасөз қызметі 21 шілдеде әйел жасалған әкімшілік хаттамаға шағымданып, сотқа жүгінгенін хабарлады.

"Хаттамада азаматша мысықтарды асырау және серуендету ережелерін бұзғанын, атап айтқанда, қаңғыбас мысықтарды рұқсат етілмеген жерде тамақтандырғанын көрсеткен", - деді сотта.

27 шілдеде әйел шағымын кері қайтарып алған, сот оған қоса ұсынылған барлық құжаттарды қайтарып берді.

Талқылау