Ақтөбеде жоғары сынып оқушысымен қатынаста болды деген күдікке іліккен педагог әрекетіне қатысты тергеу амалдары жүргізіліп жатыр. Мән-жайды келіншектің бұрынғы күйеуі айтып берді. Ер адамның сөзінше, бес жыл бірге тұрған 24 жастағы әйелі мектеп оқушысымен көңіл қосқан.

“Келіншегім сол мектепке биыл жұмысқа тұрды. Жұмыста жүріп, ішіндегі 15 жастағы оқушы баламен жүреді. Әйелмен арамызда екі қызымыз бар. Бір ай бұрын ажырасамын деп үйден кетті. Мен қазір іс бойынша куәгермін. Мен қыздарымды өзімнің тәрбиеме алғым келеді”,- деді ер адам.

Мектеп директоры мән-жай туралы тиісті органдарға хабар бергенін, педагогтың қазір жұмыс істемейтінін хабарлады.

Алматы облысында 15 жасар қызды туған әкесі зорлап келгені белгілі болды: Алайда анасы арызды қайтып алған соң полиция күдіктіні босатып жіберген

"ІІМ-нің қате шешімі болды”: Асхат Аймағамбетов мектеп инспекторларының жоқтығынан жасөспірімдер арасындағы мәселе күшейгенін айтты

“Жабық түрде болған соң біз бұл туралы ешқандай ақпарат бере алмаймыз. Жағдай анықталғаннан кейін тиісті органдарға хабарладым. Мұғалім қазір жұмыс істемейді”, – деді мектеп директоры.

Ал Ақтөбе облыстық полиция департаменті оқиғаға қатысты Қылмыстық кодекстің 122-бабымен, яғни, “Он алты жасқа толмаған адаммен жыныстық қатынас немесе сексуалдық сипаттағы өзге де әрекеттер жасау” бойынша тергеу амалдары жүріп жатқанын растады. Іске қатысты басқа мәліметтер ресми хабарланбады.

Талқылау