Ақтөбе облысында әйел "банк қызметкерінің" қоңырауынан кейін 10 миллион теңгеcінен қағылды
53 жастағы Ақтөбе облысы Хромтау ауданының тұрғыны алаяқпен телефон арқылы сөйлесемін деп барлық жинаған ақшасынан айырылып қалды, деп хабарлайды “Диапазон” порталына сілтеме беріп Stan.kz ақпарат агенттігі.
"Оған ер адам телефон соғып, өзін банк қызметкерімін деп таныстырды. Сеніміне кірген ол әйелдің шоттарын алаяқтардан қорғауды ұсынып, SMS хабарламадағы кодты айтуды сұраған. Кодты алған соң алаяқ әйелдің үш банк шотынан жинақтарын өз картасына аударып алған", – деп хабарлады Ақтөбе облысының полициясы.
Осылайша жәбірленуші 10 миллион теңгеге жуық шығынға батқан.
190-баптың 3-бөлімі "Алаяқтық" бойынша сотқа дейінгі тергеу жүріп жатыр, күдіктілер іздестірілуде.
"Банк өзі ешқашан клиентке күдікті транзакциялар жайлы айту үшін хабарласпайды. Егер сізге мұндай қоңырау түссе, бірден телефонды қою керек, бұл алаяқтар болуы мүмкін", – деп еске салды полиция.
Талқылау
"Баланың тірі не өлі екені белгісіз": АҚШ азаматы бұрынғы қазақстандық әйелін баласын "ұрлады" деп айыптап, сотқа берді
Әйел бұған дейін тағы бір АҚШ азаматымен отбасын құрғаны және оған да физикалық күш қолданғаны жөнінде дерек бар
ТЭЦ-тің газға ауысуы Алматыдағы лас ауа проблемасын шеше ала ма: Сарапшылар мегаполистегі қалың тұмша неден түзілетінін талдап берді
Қыстағы лас ауа деңгейі айына 70 темекі түтінін жұтқанмен тең