Консультативті синоптикалық ауа райы болжамына сәйкес, 2024 жылдың ақпан айында республиканың басым бөлігінде орташа айлық ауа температурасы нормадан 1-2° жоғары, Шығыс Қазақстан облысында, Алматы мен Жетісу облыстарының оңтүстік-шығыс жартысында, Түркістан, Жамбыл және Абай облыстарының тау және тау бөктеріндегі аудандарында норма шамасында болады деп болжанған.

Ақпан айында жауын-шашын мөлшері республиканың басым бөлігінде климаттық норма шамасында, Атырау облысында, Қостанай облысының солтүстік жартысында, еліміздің оңтүстік және оңтүстік-шығыс өңірлерінің тау және тау бөктеріндегі аудандарында нормадан көп болады деп болжанды.

Республиканың солтүстік жартысында жауын-шашын көбіне қар түрінде, оңтүстік жартысында жаңбыр, қар түрінде жауады. Тұман, көктайғақ, желдің күшеюі, елдің солтүстік жартысында жаяу бұрқасын болады. Болжам бойынша ақпанның бірінші онкүндігінің басында ҚР басым бөлігінде қар, бұрқасын, кезеңнің ортасында және соңында жауын - шашын (жаңбыр, қар) болады. Ақпан айының басында оңтүстік облыстардың таулы аймақтарында кейде қатты қар жауады деп болжанды.

Тұрақсыз ауа-райы тұман, көктайғақ және жел 15-28 м/с-ға дейін күшейіп келеді. Республиканың батысында ақпан айының басында, бірінші онкүндіктің ортасына қарай басым бөлігінде ауа температурасы жоғарылайды, күндіз оң мәндерге дейін көтеріледі: солтүстік жартысында -3+2°С-қа дейін, оңтүстігінде +5+15°С-қа дейін. Ақпанның бірінші онкүндігінің соңында температуралық фонның кезекті төмендеуі солтүстік-батыс жартысында, содан кейін ҚР қалған аумағында болжанады.

Талқылау