Ақмола облысындағы Атбасар қаласы су астында қалды: Аймақта эвакуация басталды (видео)
Ақмола облысының Атбасар қаласында барлық ескерту жүйелері қосылып, жергілікті тұрғындарды эвакуациялау басталды. Бұл туралы Stan.kz ақпарат агенттігі хабарлайды.
Фото: gov.kz
Ресми мәліметке сәйкес, 11 сәуір күні сағат 04:58-де Атбасарда Жабай өзені арнасынан асқаны анықталған.
"Барлық ескерту жүйесі дереу іске қосылды. Тұрғындарды эвакуациялау, нысандар мен тұрғын үйлерді қорғау шаралары жүргізіліп жатыр. Қазір еріген су мотопомпалар арқылы шығарылып жатыр. Мемлекеттік азаматтық қорғау жүйесінен 400-ден астам адам мен 100 бірлік техника тартылды", – деп хабарлады Ақмола облысы Төтенше жағдайлар департаменті.
Жарияланған төтенше жағдайға байланысты Атбасар ауданының әкімі Аманбек Қалжанов жергілікті тұрғындарға үндеу жасады.
Айта кетейік, бұған дейін Құлсарыда жоғалып кеткендердің жақындары шенеуніктердің жұмысына наразылық білдіргені туралы жазған едік.
"Өлтіруге болатынын балаларға көрсетуге болмайды": Аружан Саин бұралқы иттерді жоюға қарсы шықты
14 сәуірде Алматыда бұралқы иттерді эвтаназиялауды міндеттейтін заңға қарсы баспасөз конференциясы өтті
"50 миллиардқа жуық қаржы бөгде шотқа түседі": Блогер Республика сарайын жалға берушілерді ел қазынасына қол сұқты деп айыптады
Блогер: "Қағаз жүзінде жасалған келісімшарттан кейін қаражат қазынаға емес, осы ұйымның басқа шоттарына түседі"