Соңғы жаңалықтар
Соңғы жаңалықтар

"Адамгершілікке жат" ісі үшін жұмыстан қуылған астаналық мұғалім директордың былықтарын жайып салды

"Адамгершілікке жат" әрекеті үшін жұмыстан қуылған ағылшын тілі пәнінің мұғалімі Ұмсын Ербатырова №15 лицейдің директоры өзінің жеке өміріне араласып, ұжым алдында мазақ етті деп мәлімдеді.

Бұл туралы NewTimes.kz хабарлайды. Ұмсын Ербатырова 30 жылдық тәжірибесі бар мұғалім. Оның мансап жолындағы оқиға туралы Ақмарал Өмірәлинова желіде жазды. Осы уақытқа дейін Ұмсын Астанадағы №15 лицейде жұмыс істеген. Педагогтың өзінің айтуынша 11 жыл лицейдегі жұмыс уақытында ол ешқандай тәртіп бұзбаған. "Мені жөнсіз жұмыстан қуды. Мектеп директоры мен орынбасарының әрекетін мен мені жақтырмаушылық деп бағалаймын. Мен ашық түрде ақша бергім келген жоқ. Былтырғы жылы жалақы толық көлемде төленбегендіктен әкімнің сайтына үндеу жазылды. Содан кейін барып барлық мұғалімге ақша төленді. Бірақ бұдан кейін мен жеккөрушілікке ұшырадым. Содан бастап басшылар менің ізіме түсіп, жұмыстан шығарып тынды", - дейді Ұмсын Құрманқызы. Айтуынша директор барлық ұстаздарды жинап алып, Ұмсынның ұстаздық қызметін келемеждеген. "Ол осы жылдың 11 ақпанында мұғалімдерді жинап, интерактивті тақта арқылы менің еңбек кітапшамның әр тұсын көрсетіп, мені келемеждеді. Оның менің жеке өміріме араласып, мазақ қылуға қандай құқығы бар? Менің кезінде бала күтуші, жұмысшы болып істегенім неге ұят болуы керек. Сол арқылы ол ауылдан шыққан біздің президентімізді де келеке етіп отыр. Ол да домна пешінде жұмыс істеп, шаң мен тозаң арасында жүрді емес пе. Вице-министр Суханбердиева тәрбиеші болып жұмыс істеген. Сонда біз адам емеспіз бе? Ол неменеге кісімсиді?", - дейді ұстаз. Ал мұғалімді жұмыстан шығару үшін бір оқушының анасының шағымын негізге алыпты. "Зейнетке екі жылым қалған мені жұмыстан шығаруға құқы болмаса да, директор мұны өзінше істеді. Осы үшін ол 6 сынып оқушысы анасының көңіл толмаушылығын пайдаланды. Мен ол балаға оқу жылының қорытындысы бойынша төрт қоймап едім. Мен оның анасына үш тоқсан бойы 3-ке оқыған балаға 4 деген бағаны қоя алмайтынымды айтып түсіндіргенмін. Мұны кез-келген тексеру де заң бұзушылық деп қабылдар еді. Осыдан соң әйел менің үстімнен шағым түсіріп, мені жұмыстан шығаруды талап етті. Мен кабинетте бір оқушының анасымен отыр едім, ішке директор бастаған 7-8 адам, сосын 2 адвокат кіріп келді. Бұйрықты оқыған кезде бір уақытта бірнеше адам мені камераға түсіріп тұрды. Оның не үшін керек болғанын әлі күнге түсінбеймін. Негізінде ереже бойынша мені бұйрықпен хатшы таныстыруы тиіс. Менің ешбір шағымыма олар құлақ асқан жоқ. Сөйтіп бір ғана ата-ананың талабын орындай салды. Ал қаншама ата-ананың мені қалдыру туралы өтінішіне қараған да жоқ", - дейді ол. Мұғалім осыдан соң "Нұр Отанға" да, Бас прокуратураға да шағымданғанымен нәтиже болмаған. "Сарыарқа аудандық соты да менің пайдама жұмыс істеген жоқ. Барлық құзіретті органдар директордың жағында" дейді ашынған мұғалім. Оқи отырыңыз: Танымал емші Аша Матайдың «Қалаулым» бағдарламасын сынап, бала əріптесі Ербосынға қатысты пікірін айтты Қазақстандық бүлдіршіндер енді ел тарихын мультфильмдер арқылы танып біледі 66 жастағы зейнеткер бес жылы бойы туған немересін зорлап келген Түркияда жантүршігерлік жол апатына түскен қазақстандықтар бүгін елге оралады
Талқылау