"Адам еңбегін жеп жатыр": Желіде атыраулық тұрғынның төсемтастарды қиратып жатқан видеосы тарады
Желіде желдей ескен бейнежазбадан жұмыс берушілерге өкпелеген жас жігіттің төсемтастарды қиратып жатқанын көруге болады. Ол өзін жалақысын толық алмаған жұмысшы ретінде көрсеткен. Яғни, оны жұмыс берушілер алдап, еңбекақысын бермей қойған-мыс. Бұл туралы Stan.kz ақпарат агенттігі хабарлайды.
Аталған оқиға қаладағы Құлманов пен Гагарин көшелеріндегі жаяу жүргіншілер жолында орын алған. Осыған орай, Stan.kz ақпарат агенттігі Атырау қалалық әкімдігінен түсініктеме беруді сұрады. Анықталғандай, бейнежазбадағы жігіт бұл әрекетке "хайп" жинау үшін барған екен. Бірақ балағат сөздер айтқаны үшін өкінетінін айтады.
"Аталған азамат хайп қуып, заңбұзушылыққа барғанын мойындады. Енді ол мемлекет мүлкін бүлдіргені үшін әкімшілік жазаға тартылып, 20 айлық есептік көрсеткіш көлемінде, яғни, 69 мың теңге айыппұл арқалады. Тексеріс барысында оның ешқандай мердігер немесе басқа да мекемелерде жұмыс жасамайтыны анықталды", – дейді қалалық әкімдіктің баспасөз хатшысы Айша Кенжемұратова.
Қазір аталған іс сотқа жолданды.
Екі күнде үш рет төтенше жағдайда қонды: Авиация сарапшысы қыс мезгілінде ұшудың қаншалық қауіпті екенін айтты
Абыл Кекілбаев төтенше қонулар авиакомпанияларға тек ерекше жағдайда ғана жасалатынын айтты
Қолданыста жүргеніне 50 жылдан асқан: Астанадан ұшқан қазақстандық ұшақтағы түсқағазды көріп жағасын ұстады (видео)
Желі қолданушысы: "Қатты дыбыстан құлақ бітіп қалды, ұшақ қирап қалатындай көрінді"