Қазақстандық музыка менеджері Данияр Ілиясов Ерқанаттың танымал музыканттармен жұмыс істегеніне күмәні барын жеткізді. Данияр зерттеу жүргізіп, Ерқанаттың аталған әртістермен жұмыс істегеніне ешқандай дәлел таппаған.

"Дуа Липаға арнап трек шығарған қазақ. Бірақ мұның бәрі өтірік екенін білетіндер аз. Сенбей тұрсыздар ма? Шынымды айтсам, бастапқыда мен де сенбедім. Бірақ өздеріңіз іздеп көріңіздер. Әуелі, музыкалық платформаларды қарап шықтым. Ол жерде Ерқанат автор ретінде көрсетілмейді. Сосын кез келген тректің авторын тексеруге болатын сервис арқылы іздеп көрдім. Алайда ол видео табылмады", – деді ол.

Сосын Ілиясов Ерқанатқа хабарласып, оның авторлығы ескерілмеген болса, оған көмектесуді ұсынған. Бірге сотқа жүгінейік деп айтқан. Алайда Ерқанат онымен байланысқа шықпаған және Даниярдың дәлелдерін растамаған. Содан кейін битмейкер оған жауап бермей, Instagram желісін жауып тастаған.

Әшкере болу ма әлде түсінбеушілік пе

Данияр өзінің байланыстарын пайдаланып, Ерқанаттың менеджерімен байланысқан. Менеджер Ерқанаттың трек жасауға қатыспағанын мәлімдеген. Ерқанаттың дәлел ретінде жариялаған хаты жасанды интеллект арқылы жасалған екен.

Фото: Видеодан скрин

"Ендеше, достар, мұндай ақпараттан сақ болыңыздар! Кейде продюсерлер осылайша атақ алғысы келеді", – деді Данияр.

Посмотреть эту публикацию в Instagram

Публикация от Даник который манагер (@besarmusic)

Нәтижесінде желі қолданушыларының пікірлері екіге бөлінді. Біреулері мұны ұят тірлік десе, басқалары блогер Даниярды хайп ұстап отыр деп жазғырды.

"Қазақ ағайындар бір-бірін әшкере етуден алдына жан салмайды. Данияр хайп үшін, осылай істеп отыр. Осылайша ол Ерқанаттың жақсы биттерді жазғанын ұмыттырғысы келеді", "Міне, нағыз тергеп, тексеру. Жарайсың, "Жаһандық брендтермен жұмыс істегенде, NDA-ға қол қоясың. Кез келген жағдайда зияткерлік меншік құқығы халықаралық конвенциялар бойынша жасалады", – деп жазды олар.

Ал Данияр Ерқанаттан тректердің авторы екенін растайтын құжат жіберуін бірнеше рет сұрағанын жеткізді.

"Оған бірнеше рет, тіпті таныстарым арқылы да еске салдым. Соңғы рет 6 ақпанда түнде немесе таңертең барлығын жіберемін деп уәде берген еді. Бірақ қайтадан жоғалып кетті", – деді Данияр.

Фото: Данияр ұсынған скрин

Даниярдың айтуынша, Ерқанаттың құқығын иеліктен айыру туралы келісім-шарты болмаған. Ерқанаттың өзі құжаттары жоқ екенін, әртістерге битті электронды пошта арқылы жібергенін айтқан екен.

"Ерқанатта ешқандай құжаттық аударым болмаған. Бұл алаяқтық әрекеті сияқты көрінеді. Бірақ бұл "жалған өкілдік" немесе бұрмалау", – деді Данияр.

Сондай-ақ Данияр Ерқанаттың Anitta – "Mil Veces трегінде жұмыс істегеніне де күмән келтіретініні айтты.

Ресми деректерге сәйкес, бұл жұмыстың авторларының тізімінде Ерқанат емес, Henrique Assunção көрсетілген.

Фото: Данияр ұсынған скрин

"Өз парақшасында ол өзін Anitta ремиксі - "Mil Veces" әнінің авторымын деп мәлімдейді. Бірақ ресми деректерде Henrique Assunção көрсетілген. Мұндай мысалдар көп. Ол өзін тректерді жасауға қатысым бар дейді, бірақ фактілер басқаша айтады", – деді Данияр.

Абай атындағы облыстық білім басқармасы не дейді

Абай атындағы облыстық білім басқармасының мәліметінше, Ерқанат Садуханов Абай ауданындағы Қарауыл ауылындағы мектепте биология пәнінің мұғалімі болып жұмыс істейді. Оның музыка саласындағы жетістігі туралы бұған дейін облыстық білім басқармасы пікір білдірген еді.

"Ерқанат Сәдуханов Абай ауданындағы Қарауыл ауылдық мектебінде биология пәнінің мұғалімі болып жұмыс істейді. Ерқанат Садуханов әлемдік жұлдыздармен жұмыс істемеген деген ақпарат шындыққа жанаспайды. Мұғалімнің өзінің айтуынша, құқықты сатып алу кезінде авторлығы көрсетілмеуі мүмкін", - деп хабарлады ведомстводан.

Осылайша, әкімшілік бұрын интернетте пайда болған айыптауларды жоққа шығарып отыр.

Ерқанат Садуханов не дейді

Қазіргі жағдайды ескере отырып, әрине, битмейкермен тікелей байланысқа шықтық. Ерқанат жергілікті мектепте биология пәнінің мұғалімі жұмысын жалғастырып жатыр.

"Иә, әрине, бұл видеоны көрдім. Оны көргеннен кейін өзімді ыңғайсыз сезіндім. Даниярды жеке танымаймын. Бірақ оның маған жазғаны және дәлелдемені талап еткені рас. Ол есімімнің әндердің астында неге жазылмағанын сұрады. Мен оған жағдайды түсіндірдім, бірақ ол сотқа баруды ұсынды. Бірден айтайын, бұл мені қызықтырмайды. Мен мектеп жұмысымен, осындағы жобаларыммен, музыкамен айналысамын. Сонымен қатар ауылда тұратын кез келген адам мұнда жұмыс көп екенін біледі", – деді ол.

Сонымен қатар Ерқанат биттерге құқықтарды сатқанын және келісім-шартқа сәйкес мәліметтерді жариялауға, құжаттар мен төлем операцияларын көрсетуге құқығы жоқ екенін түсіндірді.

"Менде әлі күнге дейін түпнұсқа биттері бар. Бірақ бірдеңе дәлелдеу үшін оларды жарияламаймын. Мен үшін жасанды интеллект жазып бермейді. Бұл жағдайдың көптің назарын аударғанына қатты таңғалдым. Барлығы пікір сұрайды. Менің тарапыма көптеген негативтер келді. Адамдар мені және отбасымды қорлауды доғарсын деп Instagram парақшамды жаптым. Ата-анамның бұған алаңдағанын қаламаймын. Ортам мені, қалай жұмыс істейтінімді, не істейтінімді біледі", – деді ол.

Сондай-ақ ол кей жұлдыздармен ынтымақтастықтың жай-жапсарын түсіндірді.

"Дуа Липа үшін бит жазғаным рас. Бірақ бұл кішігірім бірлескен жұмыс. Құқықтардың бәрі сатып алынды, егжей-тегжейлі айта алмаймын. Ал Никки Минаджға келсек, мен жұмыс істеген ән әлі шыққан жоқ. Оның шығатын-шықпайтынынан хабарым жоқ. Бірақ бұл туралы негізгі әңгіме маған тиесілі емес. Әрине музыка жазуды жалғастырамын, бірақ ашық түрде жарияламаймын", – деді ол.

Айта кетейік, бұған дейін Семейлік музыкант Дуа Липаның әніне бит жазғаны туралы ақпарат тараған еді.

Музыкант Дуа Липаның 3 мамырда шығатын альбомындағы пьесаның бір композициясында жұмыс істеген. Өзінің ерекше стилі мен хиттері арқылы миллиондардың сүйіспеншілігіне ие болған Дуа Липа "Illusion" атты жаңа композициясы үшін Ерқанат жазған аранжировканы таңдаған.

Талқылау