7 мың ағаш отырғызылып, 40 мыңнан аса акция өтті: Қазақстандық еріктілер экологиялық мәселелерді шешуде қандай үлес қосты?

Астанада 20 маусымда Халықаралық волонтерлер Форумы аясында "Жасыл із: волонтерлердің экологиялық проблемаларды шешуге қосқан үлесі" сессиясы өтті. Онда еріктілердің ел ішіндегі эко мәселелерді қалай шешуге тырысқаны талқыланды.

Айта кету керек, мұнда Орталық Азия, Италия және басқа елдердің белгілі экологиялық қозғалыстарының өкілдері: Шасалим Шағалимов, Роберто Болтри, экоблогер Нұрай Сатимов, Әлімхан Айбек сынды мамандар бой көрсетті.

Сессия барысында қатысушылар өсіп келе жатқан жаһандық экологиялық апаттар дәуірінде экология және жануарларды қорғау саласындағы волонтерлердің рөлі бүкіл әлем, соның ішінде Қазақстан үшін зор маңызға ие болып отырғанын атап өтті.  

Сарапшылардың пікірінше, әртүрлі елдердегі экология және жануарларды қорғау волонтерлері экологиялық проблемаларды шешуде және алдын алуда қуатты қозғалтқыштар, сондай-ақ тұрақты ортаны қалыптастыру бойынша жұмысқа белсенді қатысады. 

Қазақстанда азаматтарды экология саласындағы волонтерлік қызметке тартуға бағытталған "Birgemiz: Taza Álem" жалпыұлттық жобасы іске асырылуда. Жоба аясында 200-ден астам шағын грант іске асырылды, 7000-нан астам ағаш отырғызылды, 40 000-нан астам адамның қатысуымен экологиялық айлықтар мен акциялар өткізілді. Осы бағыт бойынша волонтерлер 135 мың сағаттан астам жұмыс істеді. 

Сессия жұмысының қорытындысы бойынша Халықаралық волонтерлер форумының қорытынды қарарын қабылдау туралы шешім қабылданды.