1 миллиард теңгеден астам: ҚТЖ топ-менеджерлерге берілген сыйақыға қатысты жауап берді
"Қазақстан теміржолы" компаниясының басқарма төрағасы Талғат Алдыбергенов компанияның топ-менеджерлеріне төленген сыйақыға қатысты жауап берді. Бұл туралы Stan.kz ақпарат агенттігі хабарлайды.
Журналистер ҚТЖ басшылығы мен "ҚазМұнайГаз" компаниясының сыйақысын салыстырып, ҚТЖ-нікі екі есеге жуық көп болғанын атап өтті. Қаржылық есептілікке сәйкес, сыйақы сомасы 1 миллиард теңгеден асты.
ОқыңызОның үстіне компанияның 4 триллион теңгеден асатын қарыз жүктемесін және жақында пойыз билеттерінің бағасының 7% өскенін еске салды.
Алдыбергенов билет тарифі инфляцияға сәйкес көтерілгенін мәлімдеді.
Сондай-ақ ол сыйақы көлемін компания басшылығы емес, алты тәуелсіз мүшеден тұратын директорлар кеңесі бағалайтынын және ол "Самұрық-Қазына" қорының корпоративтік ережелеріне сәйкес анықталатынын атап өтті.
"Бонустар таза пайда негізінде төленеді. 2025 жылдың соңына қарай ҚТЖ өз пайдасын 2,1 есе арттырды. 2024 жылы пайда шамамен 185 миллиард теңге, ал 2025 жылдың соңына қарай ол 340 миллиард теңге болғанын білдіреді. Бұл сома тек басқарма мүшелеріне емес, директорлар кеңесіне де берілді. Бұған демалыс төлемдері, жалақы және басқа да төлем түрлері кіреді", – деді ол.
Алдыбергеновтің сөзінше, сыйақы төлеу туралы шешім үш рет қаралады. Ішкі аудит қызметі, содан соң комплаенс қызметі және директорлар кеңесі қарайды.
1 миллиард теңге 19 адамға бөлінген екен.
"Жалаңаштанып айға қарап, рәсім жасайды": Батыс Қазақстандағы бір ауылдың тағдырын жат ағым қалай өзгертті?
