"Жұмыс беруші жүргізушіні жолаушылардан оқшаулауы керек": Министр Алматыда адам өліміне әкелген жол апатына қатысты пікір білдірді

Еңбек және халықты әлеуметтік қорғау министрі Светлана Жақыпова Алматыда жолаушысы автобус жүргізушісін соққыға жығып, салдарынан үш адамның өліміне әкелген апат туралы сөз қозғады. Бұл туралы Stan.kz ақпарат агенттігі хабарлайды. 

Үкімет отырысында журналистер министрден автобус жүргізушілерінің қауіпсіздігі үшін қандай шаралар қолдану керектігін сұрады.

"Әрине, бұл үлкен трагедия, екі бала анасыз қалды (шамамен – қаза болған жаяу жүргінші туралы). Жұмыс орнын ұйымдастыру тәсілдеріне сәйкес жұмыс беруші жұмыс алаңын қамтамасыз етіп, жүргізушіні жолаушылардан бөлек етуі керек. Бұл – ең қажетті және маңызды іс", – деді министр.

Сонымен қатар журналистер министрге елде жүргізуші әйелдер үшін үкімет арнайы санат енгізу керек пе деген сауал қойды.

"Көлік және көлікті басқару кәсіби тәуекелді қажет ететін жұмыс. Бір кездері Қазақстанда әйелдер істеуге болмайтын мамандықтардың тізімі болған. Алайда біздің қоғамда әрбір адам тең құқылы деген гендерлік ниетке байланысты тізім өз күшін жоғалтты. Қазір барлық мамандықтар қолжетімді. Сондықтан жұмыс берушінің міндеті, ең алдымен қауіпсіздікті қамтамасыз ету", – деді Жақыпова.

Айта кетейік, бұған дейін  Алматыда автобус аялдамада тұрған бір топ жаяу жүргіншіні қағып кетіп, үш адам қаза тапқаны туралы жазған болатынбыз.