Жатырына ота жасату кезінде әйелдің бүйрегі ұрланған

Үндістандық әйел жатырын хирургиялық жолмен алып тастау үшін жеке клиникаға барып, отадан кейін екі бүйрегі де жоқ екенін анықтады, деп хабарлайды Stan.kz ақпарат агенттігі Oddity Central сайтына сілтеме беріп.

Қыркүйек айында Бихардағы Музаффарпур ауданының 38 жастағы тұрғыны Сунита Деви жатырды хирургиялық жолмен алып тастау үшін Бариярпурдағы жеке клиникаға жүгінді. Операциядан кейін науқас босатылды, бірақ оның денсаулығы тез нашарлай бастады. Әйел Музаффарпурдағы Шри Кришна медициналық колледжі мен ауруханасына (SKMCH) жеткізілді. Тексеру кезінде дәрігерлер оның екі бүйрегі де жоқ екенін анықтап, туыстарына диализсіз әйел тірі қалмайтынын хабарлады.

Енді үш баланың анасы Сунита күнделікті диализ алуға мәжбүр. Оның жағдайы ауыр. Тірі қалу үшін әйелге бүйрек трансплантациясы қажет. Бірақ кезекті ұзақ күту керек.

Деви Үндістан үкіметінен көмек сұрап, оған зиян әкелген дәрігерлерді жазалауды сұрайды.

"Екі бүйрегімді алып тастаған дәрігерді жазалауды талап етемін. Дәрігер маған өз бүйрегін берсін", – деді ол.

Оқиғадан кейін полиция тергеуді бастады. Девидің бастапқыда жүгінген клиникасының тіркеуі жоқ және дәрігерлердің біліктілігі жалған екені анықталды. Сонымен қатар, әйелге ота жасаған дәрігерлер қашып кеткен. Құқық қорғау органдарының хабарлауынша, дәрігерлердің бірі ұсталды.