Жаңаөзендіктер үшін Астанада визалық режим енгізіле ме? Әкімдік жауап берді
Әлеуметтік желілерде Жаңаөзен және жиі наразылық танытатын қалалардың тұрғындарына Астанада визалық режим енгізіледі деген қауесет тарады деп хабарлайды Stan.kz ақпарат агенттігі StopFake.kz сайтына сілтеме жасап.
Қазақстандықтар жаңаөзендіктер мен республиканың "басқа да наразы қалаларының" тұрғындары үшін визалық режим енгізілетіні туралы жаңалықтарды бір-біріне лезде тарата бастады.
Алайда Астана әкімдігі мұны жоққа шығарды.
"Желіде елордада Қазақстанның наразылық білдірген қалаларының тұрғындары үшін визалық режим енгізілетіні туралы жалған хабарлама таратылуда. Астана әкімдігі бұл ақпараттың шындыққа жанаспайтынын мәлімдейді. Естеріңізге сала кетейік, жалған мәліметтерді тарату ҚР заңнамасына сәйкес жауапкершілікке әкеп соғады", – делінген Астана әкімдігінің хабарламасында.
Фактчекерлер атап өткендей, мұндай қауесетті Qaznews24 ақпарат агенттігі таратты.
"Аппақ дәлізбен жүріп өтіп, жындарды көрдім": Жүрегін ауыстырған қазақстандық клиникалық өлім мен тылсым құбылыс туралы айтты
Калия: "Дәрігерлер ата-анама “жаназаға дайындала беріңдер, тек бір аптадай өмірі қалды” деген"
Қазақстандық көршісін үйіне іздеп барып, оны өлі күйінде тапқан: Ақыр соңында қылмыстағы басты күдіктіге айналды
Азиза Омарованың айтуынша, әкесіне көрсетілген зорлық үшін ол Нагарин ауданында да, кейін қалада да арыз жазған