Заңғар Нұрланұлы Australian Open Junior турнирінің ширек финалына шықты
Қазақстандық теннисші Заңғар Нұрланұлы Australian Open Junior турнирінде сәтті өнер көрсетіп, ширек финалға жолдама алды. Бұл туралы Stan.kz ақпарат агенттігі хабарлайды.
Ширек финал үшін өткен тартыста отандасымыз ресейлік Савой Рыбкинге қарсы ойнады. Алғашқы сетте Заңғар 6:1 есебімен айқын басымдық танытса, екінші партияда 6:4 есебімен жеңісті өз пайдасына шешті.
Савой Рыбкин Ресейдің 18 жасқа дейінгі теннисшілері арасындағы бірінші ракеткасы. Енді Заңғар Нұрланұлы жартылай финалға шығу үшін Гонконг өкілі Кай Томпсонмен өзара мықтыны анықтайды.
Айта кетейік, маусымдағы алғашқы "Үлкен дулыға" турнирі Australian Open 18 қаңтар мен 1 ақпан аралығында Австралияның Мельбурн қаласында өтеді.
2026 жылы қазақстандықтар пәтер жөндеуге қанша қаражат жұмсайды
Алғашқы баспанасын қара сылақ күйінде сатып алған 25 жастағы Нұрсұлтан жөндеу жұмыстарына өзі араласқан
Ресейлік қыз қазақ отбасына келін болып түсті: Ол Қазақстан жайлы көзқарасы қалай өзгергенін айтты
Алена: “Қой бауыздайтындары әлі таңғалдырады, ал шашу мен құдалық ұнады”