Ұлт денсаулығына салынған инвестиция: Bank RBK медицина бұйымдарын өндіретін Juldyz Kenan компаниясының дамуын қолдады

Bank RBK ел экономикасы мен әлеуметтік тұрақтылық үшін стратегиялық маңызы бар жобаларды қолдауды жалғастырып келеді. Банктің қаржылық қолдауының арқасында қазақстандық медицина бұйымдарын өндірушісі ТОО "Juldyz Kenan Co., Ltd" өндірістік қуаттарды кеңейту және жоғары технологиялы медицина өнімдерін толық цикл бойынша шығаруды дамыту жөніндегі ауқымды инвестициялық жобаны жүзеге асырып отыр.

1993 жылы негізі қаланған Juldyz Kenan Co., Ltd компаниясы 30 жылдан астам уақыт бойы Қазақстанның денсаулық сақтау жүйесін стерильді медицина бұйымдарымен қамтамасыз етіп келеді және бүгінде саланың көшбасшыларының бірі болып саналады. Кәсіпорын мұрын канюльдері мен катетерлерден бастап күрделі орталық веналық катетерлерге дейінгі өнімдердің кең ауқымын шығарады. Әрі өндірістің барлық кезеңдерін – жобалаудан және клиникалық апробациядан бастап стерилизация мен қаптамаға дейін толық бақылауда ұстайды.

2024 жылы ТОО "Juldyz Kenan Co., Ltd" Өнеркәсіп және құрылыс министрлігімен арнайы инвестициялық келісімшартқа қол қойып, жалпыұлттық инвестициялық жобалар пулына енді.

Бүгінде кәсіпорын Қазақстандағы 2376-дан астам медицина мекемесін бір реттік стерильді медицина бұйымдарымен қамтамасыз етіп, жылына 4,5 миллионнан астам өнім шығарады. Инвестициялық жоба арқасында шығарылатын өнім номенклатурасы 153 позицияға дейін кеңейтіліп, компания өнімдері ТМД елдеріне экспорттала бастады.

"Медицина бұйымдарының отандық өндірісін дамыту – ұлттық денсаулық сақтау жүйесінің тұрақтылығы мен елдің экономикалық тәуелсіздігінің маңызды факторы. Біз жоғары сараптамалық деңгейі, сапа мәдениеті және ұзақ мерзімді даму стратегиясы бар ТОО "Juldyz Kenan Co., Ltd" компаниясын қолдағанымызға қуаныштымыз. Бұл жобаның жүзеге асуы импортты алмастыруға, қазақстандықтар үшін медицина өнімдерін қолжетімді ете түсуге және жаңа жұмыс орындарын құруға ықпал етеді. Bank RBK үшін мұндай бастамаларға қатысу – ұлт денсаулығына және Қазақстан экономикасының тұрақты дамуына қосқан үлес", – деп атап өтті Bank RBK Басқарма төрағасы Наталья Акентьева.

Bank RBK қолдауының арқасында компания Алматы қаласындағы "Алатау" инновациялық технологиялар паркі " арнайы экономикалық аймағында толық циклді жаңа өндірістік кешен салуға қаржыландыру алды. 7000 шаршы метрден астам аумақта халықаралық ISO 13485 сапа стандартына сай келетін заманауи өндірістік желілер, зертханалар және қойма орындары орналасқан. Бұл стандарт жыл сайын еуропалық сарапшылардың аудиттерімен расталып отырады.

Жобаны жүзеге асыру Қазақстан аумағында медицина бұйымдарын толық цикл бойынша өндіруді қамтамасыз етуге, медицина мекемелері үшін сапалы өнімнің қолжетімділігін арттыруға және импорттық жеткізілімдерге тәуелділікті төмендетуге мүмкіндік береді. Бұл әсіресе төтенше жағдайлар немесе пандемия кезінде, денсаулық сақтау жүйесі медицина бұйымдарының кепілді жеткізілімін қажет ететін жағдайда ерекше маңызды.

"Juldyz Kenan Co., Ltd" ЖШС басшысы Бағлан Баққұлова банкпен серіктестік жоғары деңгейде екенін атап өтті.

"Bank RBK қолдауы біздің компанияның дамуы мен Қазақстанда медицина бұйымдары өндірісін кеңейтуге бағытталған стратегиялық міндеттерді жүзеге асырудағы маңызды кезең болды. Біз банк командасының кәсібилігін, процестердің ашықтығын және серіктестіктің барлық кезеңіндегі конструктивті көзқарасын жоғары бағалаймыз. Қаржылық қолдаудың арқасында біз өнім сапасын арттыруға, жаңа жұмыс орындарын құруға және елдің медицина мекемелерін сенімді әрі қолжетімді бұйымдармен қамтамасыз етуге бағытталған инвестициялық жобаны жүзеге асыра алдық. Біз үшін бұл серіктестік сенімге және саланы дамыту мен денсаулық сақтау жүйесін нығайтудағы ортақ жауапкершілікке негізделген", – дейді компания басшысы.

Инвестициялық жоба аясында кәсіпорын денсаулық сақтау саласына қажет Бірыңғай дистрибьютор номенклатурасы бойынша медицина бұйымдарын үздіксіз жеткізуді қамтамасыз етеді, сапаны ішкі бақылаудың заманауи жүйелерін енгізіп, өнеркәсіптің іргелес салаларының дамуына ықпал етеді. Жоба сондай-ақ жаңа жұмыс орындарын құруға, тапшы мамандарды даярлауға және елдің экспорттық әлеуетін нығайтуға үлес қосады.

Bank RBK тарапынан Juldyz Kenan Co., Ltd компаниясын қолдау – банктің экономиканың стратегиялық маңызды салаларын дамытуға, өндірісті технология тұрғысынан жаңғыртуға және ұлттық денсаулық сақтау жүйесін нығайтуға ықпал ететінінің кезекті мысалы болды.

Лицензия № 1.2.100/245/41, 05.04.2021 ж. ҚР ҚНРДА берілген.