Түркістан облысында мектептегі қазандық жарылып, бір адам көз жұмды
Түркістан облысы Ошақты ауылында төтенше жағдай орын алды. Мектеп аумағында орналасқан жылыту қазандығы жарылып, от жағушы болып жұмыс істеген ер адам қаза тапты, деп хабарлайды Stan.kz ақпарат агенттігі КТК арнасына сілтеме жасап.
Куәгерлердің сөздерінше, жеке ғимаратта орналасқан жылыту қазандығындағы жарылыс таңғы 9:00 шамасында болған. Жарылыстың қатты болғандығы сонша бу қазандығы ұшып кеткен. Мұғалімдер мен оқушылар зардап шеккен жоқ. Оқиғадан кейін бірден үйлеріне қайтарылған.Мектепте жылыту қазандығы қосылғанша оқушылар онлайн форматта білім алады.
Қаза тапқан ер адамның 59 жаста екені анықталған. Марқұм туыстарымен бірге тұрған, отбасы мен балалары жоқ. Алдын ала деректерге сәйкес қатты отынмен жанатын қазандық жарылған. Оқиғаның мән-жайы анықталуда.
"Әлемде мейірім барына сендіретін жандар": 2025 жылғы жан жылытар әрекеттер мен халықты тәнті еткен қазақстандықтар
Желі қолданушыларын тәнті еткен халық арасындағы қаһарман кейіпкерлердің әрекеттеріне шолу жасадық
2026 жылы қазақстандықтарға ақшаны қалай сақтаған тиімді – Қаржы сарапшылары кеңес берді
Жаңа жылда қазақстандықтарды қосылған құн салығының өсуі, инфляция бәсеңдеуі сынды жаңашылдықтар күтіп отыр