Тоқаев елімізде "Әл-Фараби" орденін енгізуді ұсынды
Мемлекет басшысы Тоқаев ғалымдарды марапаттау рәсімінде сөз сөйлеп, "Әл-Фараби" орденін енгізуді ұсынды. Бұл туралы Stan.kz ақпарат агенттігі хабарлайды.
Президент Әл-Фарабидің мұрасы бүкіл адамзаттың асыл қазынасы екенін айтты.
“Қазақ даласы көптеген кемеңгер тұлғалардың мекені болғанын білесіздер. Соның ішінде әлемге әйгілі ойшыл әл-Фарабидің орны ерекше. Оның мұрасы бүкіл адамзаттың асыл қазынасы, өркениет ойының шыңы. Осыған орай, мен жоғары мемлекеттік марапаттар тізіміне арнайы “Әл-Фараби” орденін енгізу қажет деп санаймын. Бұл марапат білім мен ғылым, мәдениет пен руханият саласында зор табысқа жеткен азаматтарға беріледі”, – деді Тоқаев.
ОқыңызПрезиденттің сөзінше, “Мейірім”, “Қожа Ахмет Ясауи”, “Әл-Фараби” ордендері биыл алғаш рет Республика күні қарсаңында тапсырылады.
Айта кетейік, бұған дейін Тоқаев 1995 және 2026 жылдардағы Конституцияның басты айырмашылығын айтқан еді.
"Әліби, өмір сүр!": Тоқалымен көңіл жарастырған жігітті кәсіпкер Қайрат Жамалиев қалай азаптады
