Тоқаев Білім және ғылым министрлігін екіге бөлуді ұсынды
Президент Қасым-Жомарт Тоқаев Білім және ғылым министрлігін екі ведомствоға бөлуді ұсынды, деп хабарлайды Stan.kz ақпарат агенттігі.
Мемлекет басшысы Қазақстанда Ұлттық дәйексөз жүйесін құру керегін атап өтті, оның пікірінше, бұл ғылыми-зерттеу жұмыстарының сапасын айтарлықтай жақсартуға мүмкіндік береді. Бұл қадам қазақстандық ғылыми журналдардың әлеуетін күшейтуді талап етеді, деді ол.
"Елдегі ғылыми қызметті үйлестіруді күшейту үшін салалық министрлікті екі ведомствоға бөлу керек деп есептеймін, олардың бірі жоғары білім және ғылым мәселелерімен айналысады", - деді Тоқаев Алматыда Ұлттық ғылым академиясының 75 жылдығына арналған салтанатты жиындағы сөзінде.
Тоқаевтың айтуынша, ол көрсеткен барлық шешім қазақстандық ғылымды жан-жақты дамытуға, оның бәсекеге қабілетін арттыруға және елдің тұрақты әлеуметтік-экономикалық дамуына үлес қосуға бағытталған.
Айта кетсек, сенатта 2020 жылы Білім және ғылым министрлігіне үлкен жүктеме жүктелгені туралы айтылған. Сол кезде БҒМ-ді Білім Министрлігі және жоғары білім және ғылым министрлігі деп екіге бөлу ұсынылды.