"Жұмыс істегенше тағы екі бала туып алғаным артық": Әйелдің желідегі мәлімдемесі қазақстандықтардың ашуын туғызды
Желіде әйелдің жұмыс істегеннен гөрі "тағы екі бала тауып, жәрдемақы алу" жақсы екенін айтқан видеосы қызу талқыға түсті. Бұл туралы Stan.kz ақпарат агенттігі хабарлайды.
Хиджаб киген әйел сұлулық салонында еден жуушы болып жұмыс істеуге қарсы екенін айтты, себебі мұндай орындар қызметкерлерге немқұрайлы қарайды дейді. Сөзінше, үйде отырып, үкіметтен жәрдемақы алған оңайырақ.
“Қазір үш балам бар. Басқа біреуден екі бала туып алсам, бес балам болады. Сол кезде үйде жатып, үкіметтен 70 мың теңге аламын. Еден жуып, қор болғанша, түк істемей жатқан артық”, – деді ол.
Жазба қазақстандықтардың арасында пікірталас тудырды. Кейбір пайдаланушылар Қазақстанда жұмыс жағдайы мен жұмысшыларға деген көзқарастың нашар екенін атап өтті.
ОқыңызДегенмен көпшілік әйелді сынға алды. Олар тек жәрдемақыға сену дұрыс емес екенін және балалардың болашағына жауапкершілікпен қарау керегін, тұрақты табысты қажет ететінін атап өтті.
“Кедейлер не себепті бала туа беретінін мойындады-ау”, “5 баланы 70 мыңға қалай асырағалы жатсыз?”, “Адамның еңбегі туралы бұлай айтпаған дұрыс”, “Бұл әйел дұрыс айтады. Еңбек жоғары бағалануы керек. Жалақы мүлдем өспеді”, “Шаршап кеткен, қазіргі еңбек бағаланбайды”, “Үкіметтен алған 70 мың 5 баланы асырауға жетпейді ғой. Шалқайып жата алмайсыз. Бәрібір жұмыс қарастыру керек”, – деп жазды желідегілер.
2026 жылдың басынан бері мемлекеттік жәрдемақылармен орта есеппен 876,8 мың адам қамтылған. Көпбалалы отбасыларға 629 мың отбасыға 99,4 миллиард теңге төленсе, марапатталған аналарға 247,8 мың адамға 14,6 миллиард теңге берілді.
Көпбалалы отбасының жәрдемақысын 4 және одан көп бірлесіп тұратын кәмелетке толмаған балалар немесе 23 жасқа дейінгі күндізгі оқу формасындағы студенттері бар отбасылар ала алады. (табысқа қарамастан)
2026 жылғы көпбалалы отбасыға төлем мөлшері:
- 4 бала: 16,03 МРП немесе 69 330 теңге;
- 5 бала: 20,04 МРП немесе 86 673 теңге;
- 6 бала: 24,05 МРП немесе 104 017 теңге;
- 7 бала: 28,06 МРП немесе 121 360 теңге;
- 8 және одан көп бала: әр балаға 4 МРП немесе 17 300 теңге.
