"Әңгіме Семей қаласы әкімінің орынбасары Д.А.Гариков туралы болып отыр. Сонымен бірге әкім орынбасарына қатысты тәртіптік шаралар қолдану туралы хат жолданды.
Семей қаласы білім бөлімінің басшысы Н.А.Фесенкоға қатысты сөгіс түрінде тәртіптік жаза қолданылды. Сондай-ақ ол әкімшілік жазаға тартылды", – делінген хабарламада.

Мәлімдемеде сонымен бірге №9 мектеп директоры Н.В.Тегай және №43 мектеп директорының міндетін атқарушы А.В.Искрина әкімшілік жауапкершілікке тартылғаны айтылған.

Тексеріс барысында сенбілікке №43 мектебінің педагогтерінен басқа №9 мектебінің де мұғалімдері жіберілгені анықталған.

Әкімдік сенбілікке шығуға міндеттеген мұғалімдер не істеуі керек: Вице-министр түсіндірді

БҚО-да "баламызды үлкен сыныптағылар ұрады" деген ата-аналар шу шығарды

"Кальмар ойыны" оқушы психикасына қауіп төндіре ме: Білім министрлігі пікір білдірді

Естеріңізге сала отырайық, 16 қазан күні Білім министрі Асхат Аймағамбетов мектептегі сабақтарды тоқтатып, көше сыпыруға жіберілген мұғалімдер туралы жазған болатын.

"Семей қаласындағы оқиғаға байланысты білім беру саласындағы сапаны қамтамасыз ету басқармасы әкімшілік іс бастады, тексеру жүргізілуде. Қала әкімінің орынбасарының қатысы расталса, бұл лауазымды тұлға және басқа адамдар әкімшілік жауапкершілікке тартылады", – деген еді министр.

Кейін Семей қаласының басшылығы министрге жауап берген. Онда қала әкімінің орынбасары Дмитрий Гариков тазалық бүкіл қалада болғанын айтып, сабақтардың тоқтатылмағанын тиісінше онлайн форматта өтілгенін айтқан.

"Бұл жерде ешқандай артық мәселені көріп тұрған жоқпын. Бұл біздің қаламыз, біз өз қаламызды таза ұстағымыз келеді әрі осы ұстанымды ұстанатын кез келген жан бұдан әрі де сенбілікке қалмай қатысады деп ойлаймын", – деп түсіндірген Гариков.

Талқылау