Сарыағашта 9 азық-түлік дүкені өртеніп кетті
Түркістан облысы, Сарыағаш қаласында тоғыз азық-түлік дүкені өртеніп кетті, деп хабарлайды Stan.kz ақпарат агенттігі.
ҚР ІІМ ТЖК баспасөз қызметінің хабарлауынша, өрт туралы хабарлама 2020 жылғы 24 маусымда сағат 04:40-та түскен. Рамазан суару каналының бойындағы азық-түлік дүкендері өртенді. Өрттің жалпы аумағы 250 шаршы метрді құрады.
Олардың сөзінше, өрттің шығу себебі әлі анықталмаған. Қазіргі таңда өрт толығымен сөндірілді.
"Өрт салдарынан жақын маңда тұрған GAZelle автокөлігі өртеніп кетті. Өрт сағат 06: 25-те ауыздықталды. Зардап шеккендер жоқ. Өрттің шығу себебі анықталуда. Шұғыл әрекет ету қызметінің күштері мен құралдары, 36 адамнан тұратын жедел-тергеу тобы және 9 техника жұмылдырылды", - деп хабарлады ведомствода.
Зардап шеккен адамдар жоқ.
Талқылау