Ресейлік ұшақ Ақтөбеге шұғыл қонды
Ресейлік Red Wings әуе компаниясының ұшағы Қазақстанда шұғыл қонды. Ол Анталиядан Екатеринбургке ұшып бара жатқан. Бұл туралы Stan.kz ақпарат агенттігі @e1_news Telegram арнасына сілтеме жасап хабарлайды.
Фото: @e1_news
Ұшақтағы жолаушылардың барлығы Ақтөбе әуежайында шығарылды.
"Техникалық ақау туралы хабарладық. Әрі қарай не болатыны белгісіз. Жолаушылар ұшақтан шығарылып, кедендік бақылаудан өтті", - делінген хабарламада.
Хабарламаға сәйкес, ұшақтың қозғалтқышы істен шыққан.
"Екатеринбургке ұшқан Red Wings әуе компаниясы ұшағының қозғалтқышы істен шыққан. Тасымалдаушының Boeing 777 ұшағымен сол түні Анталиядан Кольцовоға WZ-3072 рейсін орындаған. Каспий теңізінің үстінен ұшып бара жатқанда ұшқыштар қозғалтқыштың істен шыққанын айтып, 250 (7600 метр) ұшу эшелонына түсуді сұраған. Олар апат сигналын берген жоқ. Шамамен 1,5 сағаттан кейін ұшақ Ақтөбедегі аэродромға қауіпсіз қонды", - делінген хабарламада.
Red Wings баспасөз қызметі WZ-3072 рейсінің жолаушылары Екатеринбургке қосалқы ұшақпен жеткізілетінін хабарлады.
"Ақтөбе әуежайына резервтік ұшақ қонды, қонатыны жақын арада белгілі болады. Ұшу Мәскеу уақытымен сағат 10:50-де (Астана уақыты бойынша - шамамен 13:50) жоспарланған", - делінген хабарламада.