Павлодардағы әскери қызметкердің өлімі: Полиция қылмыстық іс қозғады
Павлодарда "КамАЗ"-дың дөңгелегі жарылып, ажал құшқан әскеридің өліміне қатысты қылмыстық іс қозғалды, деп хабарлайды Stan.kz ақпарат агенттігі.
Қайғылы оқиға 12 маусымда кешкі 19:15 шамасында болған. Аға сержант Айбек Тұрсымбаев №5512 әскери бөлімі паркінде жоспарлы жөндеу жұмыстары кезінде мерт болған.
"Дөңгелекті үрлеу кезінде басынан ауыр жарақат алған. Қазір бұл дерек бойынша құқық қорғау органдары сотқа дейінгі тергеу бастады. Нәтижесі қосымша хабарланады", – деді Ұлттық ұлан "Шығыс" өңірлік қолбасшылығының баспасөз қызметі.
"Шығыс" қолбасшылығы Айбек Тұрсымбаевтың жақындары мен туыстары көңіл айтты.
Айта кетейік, бұған дейін Павлодарда келесімшарт бойынша қызмет етіп жүрген әскеридің "КамАЗ" дөңгелегі жарылып, қаза тапқаны туралы хабарлаған едік.
"Әлемде мейірім барына сендіретін жандар": 2025 жылғы жан жылытар әрекеттер мен халықты тәнті еткен қазақстандықтар
Желі қолданушыларын тәнті еткен халық арасындағы қаһарман кейіпкерлердің әрекеттеріне шолу жасадық
2026 жылы қазақстандықтарға ақшаны қалай сақтаған тиімді – Қаржы сарапшылары кеңес берді
Жаңа жылда қазақстандықтарды қосылған құн салығының өсуі, инфляция бәсеңдеуі сынды жаңашылдықтар күтіп отыр