Оралда "Батыс су арнасының" екі жұмысшысы кәріз суына батып кетті
Оралда "Батыс су арнасы" ЖШС-ның екі жұмысшысы кәріз сорғы стансасын жөндеу кезінде қаза тапты, деп хабарлайды Stan.kz ақпарат агенттігі "Мой город" порталына сілтеме жасап.
Қайғылы оқиға 24 тамызда күндіз Оралдағы кәріз сорғы стансасында болған.
"Батыс су арнасы" ЖШС бас директоры Әнуар Әркеновтың айтуынша, 1971 және 1982 жылғы екі жұмысшы құрылғы бөлшектерін ауыстыру жұмыстарын жүргізген.
"Алдын ала мәлімет бойынша, құрылғы қақпағы жұлынып кетіп, стансаға кәріз суы толып қалған. Соның салдарынан жұмысшылар сыртқа шығып үлгермей, суға батып кеткен", – делінген хабарламада.
Компания зардап шеккендердің отбасына қажетті барлық көмекті көрсетуге уәде беріп отыр. Қаза тапқан жұмысшылардың бірінің артында үш кішкентай баласы қалды.
Оқиға орнында полиция жұмыс істеп жатыр.
"Адамдар келсе айт, жылауға дайындалайық": Қазақстандықтар жаназа кезінде бастан кешірген жағымсыз жайттары туралы баяндады
Желі қолданушысы: "Қазақтың жерлеу рәсімін жек көремін"
Не себепті Қазақстанда туу көрсеткіші Ресейден жоғары? Сарапшылар мұның пайдасы мен зиянын айтып берді
Демограф: “Жастар арасында child free ұстанымына бет бұру үрдісі бар”