Қыздың анасының адвокаты Ольга Жукованың айтуынша, Дарья мен оның анасы Маргарита Попова соңғы жылдары қиын кездерді бастан өткерген. Заңгер Дашаның өгей әкесі бұрынғы әйелі мен өгей қызын аңдып, маза бермегенін айтады.

30 қазан күні Дарья мектепке келмеген. Алайда таңғы сағат 7:38-де қыздың нөмірінен анасына "Мен сабақтамын" деген хабарлама келген. Бірақ арнайы қосымшадағы қыздың мекенжайы мүлде басқа жерді көрсетіп тұрған. Қыздың анасы дереу полицияға қыздың ұрланғаны туралы хабарлаған.

Ер адам өгей қызына үйлену үшін әйелін 4 ай улап келген

Қыздың анасының адвокатының айтуынша, тергеушілерде бейнебақылау камераларынан қыздың өгей әкесінің Дарьяны көшеде қалай қуып жетіп, жерге құлатып, кейін көлікке отырғызғаны көрсетілген видеолар бар.

Өгей әке сол күні орналасқан жерін және көліктерін бірнеше рет өзгерткен. 30 қазан күні кешкісін қыздың мәйіті Бішкек шетінде, Таштар-Ата ауданында табылды. Ал қызды өлтірді деген күдікке ілінген өгей әке Бішкектен 300 шақырым жердегі Балықшы қаласында ұсталған.

Қырғызстанның бас прокуратурасы оқиғаға қатысты “адам ұрлау” және “адам өлтіру” баптары бойынша қылмыстық іс қозғалып, өгей әкенің қамауға алынғанын хабарлады.

Сондай-ақ өгей әкенің бұған дейін де кісі өлтіргені үшін сотталғаны анықталды.

"Мен қызымның кеткенін әлі қабылдай алмаймын және түсіне алмаймын. Бейкүнә баланы не үшін өлтіргенін түсінбеймін? Қызым, менің өмірімнің мәні еді", – дейді қыздың анасы Маргарита.

Еске салсақ, бұған дейін өгей қызын зорлаған түркиялық азамат Қазақстанда ұсталғаны туралы жазған едік.

Талқылау