Қазақстанда бизнес ашу үшін грант алуға өтінім қабылдау басталды

Қазақстанда бизнес ашу үшін грант алуға өтінімдерді қабылдау басталды, деп хабарлайды Stan.kz ақпарат агенттігі.

20 ақпанда жаңа кәсіпті ашу және дамыту үшін мемлекеттен грант алуға өтінімдерді қабылдау басталды.

400 АЕК (шамамен 1,4 млн. теңге) грантты халықтың әлеуметтік осал санатындағы азаматтар келесі бағыттарды дамыту үшін ала алады: қажетті құралдар мен технологиялық жабдықтарды, жануарлар, мал, құс, көшеттерді сатып алуға, ғимараттарды жалға алу ақысын төлеуге.

"400 АЕК мөлшеріндегі мемлекеттік грант – бұл жаңа бизнесті ашу және дамыту үшін қайтарымсыз негізде берілетін бастапқы капитал", - делінген Еңбек министрлігінің сайтында.

Өтінімдерді Business.enbek.kz порталында беруге болады, өтінім беру үшін ЭСҚ қажет. Бірінші кезең аясында 2577 грант беру жоспарланған.