"Менің де есімде": Деревянченко Головкинмен жекпе-жегінің алдында қазақстандықтарға мәлімдеме жасады
Украиналық боксшы Сергей Деревянченко (13-1, 10 КО) Геннадий Головкинмен (39-1-1, 35 КО) IBF нұсқасы бойынша орта салмақтағы әлем чемпионының белбеуі үшін болатын жекпе-жектің алдында қазақстандық жанкүйерлерге мәлімдеме жасады, деп хабарлайды Stan.kz ақпарат агенттігі.
Сергей Деревянченко Instagram желісінде қазақстандықтарға алғыс білдірді.
«Менің «Арланс» үшін жекпе-жегімді білетін және маған әлеуметтік желілерде жақсы сөздер жазып жатқан қазақстандықтарға алғыс білдіргім келеді. Сол кездер жақсы уақыт ретінде менің де есімде. Рахмет», - деп жазды украиналық боксшы.
Деревянченко 2012-2014 жылдары Дүниежүзілік бокс сериясында (WSB) қазақстандық «Астана Арланс» клубының атынан додаға түсіп, артынша кәсіби карьерасын бастаған еді.
Айта кетсек, Деревянченко мен Головкиннің жекпе-жегі 5 қазанда АҚШ-тың Нью-Йорк қаласындағы Madison Square Garden аренасында өтеді.
"Сот шешіміне дейін пәтерде тегін тұра ала ма": Үй иелері мен жалға алушылар Қазақстандағы жаңа өзгеріске байланысты нені білуі керек
Қожайындар енді екі айлық пәтер ақысын депозит ретінде бірден сұрайды
Қазақстандық оқушы ауа арқылы су тапшылығын жоюдың жолын қалай ойлап тапты: Оның өнертабысына шетел қызығуда
Ол жақында Венадағы БҰҰ штаб-пәтерінде Cleantech Days Forum 2026 форумында әлемнің үздік үш жас өнертапқышының қатарына енді