Мектептерде жаңа жылдық ертеңгіліктер болмайды – Білім және ғылым министрлігі
Қазақстан Республикасы Білім және ғылым министрі Асхат Аймағамбетов мектептерде жаңа жылдық ертеңгілік өткізу мәселесіне қатысты сауалға жауап берді, деп хабарлайды Stan.kz ақпарат агенттігі.
"Ертеңгілік және өзге де жаппай ісшараларға келетін болсақ, мектептерде мұндай жиындар өткізілмейді. Бас санитар дәрігердің шешімі бар, біз бұл шешімге бағынамыз. Сондықтан мектептерде ертеңгіліктер мен өзге де шаралар ұйымдастырылмайды", - деді Асхат Аймағамбетов.
"Сынып ішінде мерекелік отырыс жасау шешімін мектеп әкімшілігі қабылдайды", - деп қосты министр.
Журналистер Асхат Аймағамбетовке омикрон штамының таралуына байланысты оқушыларды қашықтықтан оқуға жіберу мүмкіндігі жайлы сауал қойған.
"Қазір бұл туралы айту ерте. Ведомствоаралық комиссия шешімі аясында жұмыс істейміз. Әзірге қорытынды жасау үшін деректер аз", - деп жауап берді ол.
Екі күнде үш рет төтенше жағдайда қонды: Авиация сарапшысы қыс мезгілінде ұшудың қаншалық қауіпті екенін айтты
Абыл Кекілбаев төтенше қонулар авиакомпанияларға тек ерекше жағдайда ғана жасалатынын айтты
Алматылықтар арасында маска мен мұрын фильтрі танымал бола бастады: Лас ауадан қорғайтын құралдар шынымен тиімді ме
Масканың көмегі болуы үшін оның FFP2 немесе N95 түрін таңдау керек