AAPL
143.78 $
2.32 %
TSLA
707.73 $
7.43 %
NDAQ
150.93 $
2.33 %
GOOGL
2155.85 $
1.88 %
FRHC
41.25 $
2.79 %
AAPL
143.78 $
2.32 %
TSLA
707.73 $
7.43 %
NDAQ
150.93 $
2.33 %
GOOGL
2155.85 $
1.88 %
FRHC
41.25 $
2.79 %
Соңғы жаңалықтар
Соңғы жаңалықтар

"Баламды тіпті далаға шығара алмаймын": Сирек дертке шалдыққан үш жасар алматылық бүлдіршіннің ата-анасы көмек сұрайды

Үш жастағы Ильшат Абдухелилов сирек дертке шалдыққан. Алматылық бүлдіршін аурудан толығымен айығып кетуі үшін оған Германияда ота жасату керек. Қажетті соманы қалтамыз көтермейді деген Ильшаттың ата-анасы бар үмітіміз қайырымды қазақстандықтарда дейді. 

Ильшат

Ильшаттың анасы Гулбанум Батурованың сөзінше, баласының дерті жайлы 1 жасында білген. Бастапқыда дәрігерлер нақты диагноз қоя алмаған.

"5 айлығында екпеден кейін Ильшаттың үстіне бөртпе шықты. Дәрігерге қаралған едік, аллергия екенін айтып, тиісті ем белгіледі. Алайда бір апта өткен соң жағдайы нашарлай берді. Қан құрамындағы тромбоцит мөлшері азайып кетті. Кейін бізді №2 балалар ауруханасына жіберді. Дәрігерлер мұны атопиялық дерматит деп жазып, 1,5 ай ем қабылдау керегін айтты", – деп еске алды баланың анасы.  

Оның сөзінше, ем қабылдаған күннің өзінде де баланың жағдайы нашарлай түскен. Кейіннен Ильшаттың ауруы асқынып, Алматыдағы Педиатрия және балалар хирургиясы ғылыми орталығына жатқызуға тура келген. 

"Мұнда да бізге Лангерганс жасушасындағы мультижүйелік гистиоцитоз деген қате диагноз қойылды. Сол үшін 15 рет химия терапиясын қабылдауға тура келді. Ильшаттан айырылып қалуымыз мүмкін еді. Ем қабылдау кезіндегі ең қиын кезең осы болды", - деп еске алды Ильшаттың анасы. 

Баланың дертін анықтау үшін дәрігерлер Ильшаттың сараптамаларын зерттеуге Мәскеу қаласына жіберген. Ресейлік мамандар балада Вискотт Олдрич синдромы екенін анықтаған. 

"15 сеанс химия терапия босқа алынды. Вискотт Олдрич синдромы – өте ауыр дерт. Бұл аурумен Қазақстанда тек екі бала ғана ауырған. Ильшат – үшіншісі", – дейді Гулбанум.

Анасының сөзінше, дерт салдарынан Ильшаттың қаны тым сұйық. Мұрны қанап, кез келген уақытта іштей қан кетуі мүмкін екен.

Ал синдромның жалғыз емі – жілік майын ауыстыру. Қазақстанда мұндай ота жасалмайды дейді. 

"Ауру жайлы естіген соң іздене бастадым. Германияда жілік майын ауыстыру отасын жасауда тәжірибе бар. Алайда құны 245 147,88 еуро. Ота жасалған соң бір жыл Германияда тұрып, дәрігерлер бақылауында болуымыз керек. Сонымен қатар үлкен ұлым донор болады. Оның тексерулері мен сараптамалары үшін қосымша 54 852 еуро қажет", – дейді Ильшаттың анасы.

Барлығын қосқанда, баласының еміне 300 000 еуро (146 058 272 теңге) қажет дейді анасы. Қазір мейірімді адамдардың арқасында 46 миллион теңге жиналған. Қалған сомманы жинау үшін Ильшаттың ата-анасы қазақстандықтардан көмек сұрайды.

"Баламды үйде өзім қарап отырмын. Тіпті далаға шығара алмаймын. Себебі кез келген вирус немесе ауру ол үшін қатерлі. Күйеуім ғана жұмыс істейді. Бірақ тапқан табысы азық-түлік пен дәрі-дәрмектен артылмайды. Сондықтан қазақстандықтардан баламның өмірін аман алып қалу үшін көмек сұраймыз", – деп түйіндеді Гулбанум Батурова. 

Кішкентай Ильшаттың ата-анасы кез келген сома балаларының өмірі үшін маңызды екенін айтады. 

Реквизиттер:

Анасы: Гулбанум Батурова

Kaspi Bank:

4400 4301 9365 5286

8 778 956 37 43

Халық Банк:

4405 63 97 9703 8419

Сбербанк:

4263 4333 4992 5047

Рубльге арналған есепшот:

KZ 66914002204RU00WDS

Талқылау
Пікір
Қазір оқып жатыр
Қазір оқып жатыр