Жапония радиосы Димаштың шығармашылығына арнайы эфир арнайды
30 шілдеде Жапонияның Kiryu FM радиостанциясы Қазақстан мен Қырғызстанның халық әртісі Димаш Құдайбергеннің шығармашылығына арналған Music Forever бағдарламасының арнайы шығарылымын ұсынады. Бұл туралы Stan.kz ақпарат агенттігі хабарлайды.
Dimashnews-тің мәліметінше, эфирдің басты жаңалықтарының бірі – Димаштың “Aqerke” атты жаңа әнінің Kiryu FM толқынында алғаш рет шырқалуы болмақ.
Жапон радиостанциясы Димаштың шығармашылығын жергілікті тыңдарманға 2020 жылдан бері таныстырып келеді. Осы уақыт ішінде әншінің барлық жаңа туындысы радио эфиріне ұсынылып, өнеріне бірнеше рет арнайы бағдарлама арналған.
ОқыңызКезекті Dimash Special шығарылымы Dimash Japan Fan Club жапон жанкүйерлер клубы өкілдерінің қатысуымен дайындалады. Бағдарлама барысында “Aqerke” әнінен бөлек, Love’s Not Over Yet, Kieli Meken, Love of Tired Swans, Daididau, Omir және Olimpico композициялары шырқалады.
Music Forever бағдарламасы Гумма префектурасындағы Кирю қаласынан эфирге шығады. Бағдарламаны Кадзудзи Като мен Кёко Ямамото жүргізеді.
Тұрақты шығарылымдар әр айдың бірінші және үшінші бейсенбісінде Жапония уақытымен сағат 19:06-дан 19:59-ға дейін көрсетіледі. Қайталау эфирі келесі күні сағат 11:06-да беріледі. Ал ай ішінде бесінші бейсенбі болған жағдайда, бағдарлама ұжымы арнайы музыкалық шығарылым әзірлейді.
Қазақстанда ислам ипотекасы қашан іске қосылады және ол қалай жұмыс істейді
