Қазақстандықтар мен қырғыз азаматтары Катовицеден Нұр-Сұлтанға үшінші рейспен ұшып келді
Украинадан эвакуацияланған қазақстандықтар үшінші рейспен Нұр-Сұлтанға ұшып келді, деп хабарлайды Stan.kz ақпарат агенттігі.
Қазақстан азаматтарын алдымен Украинадан Польша аумағына эвакуациялаған. "Air Astana" компаниясының ұшағы Катовицеден Нұр-Сұлтан уақытымен 21:55-те ұшып шығып, әуежайға 02:54-те жетті. Бортта 131 жолаушы болған, олардың 20-сы балалар.
Сыртқы істер министрлігінің мәліметіне сүйенсек, бұл рейспен Қырғызстанның екі азаматы ұшып келген.
Айта кетейік, Украинадан эвакуацияланған қазақстандықтар мінген ұшақ 1 наурызда Нұр-Сұлтанға келген еді.
Талқылау
