Қазақстанда екі айда 40 шенеуніктің жемқорлыққа қатысы бар екені анықталды
2 айдың ішінде 240 адамның, оның ішінде республикалық және облыстық деңгейдегі 40 басшының сыбайлас жемқорлыққа қатысы бар екені әшкереленді. Бұл туралы Қасым-Жомарт Тоқаевтың қабылдауында болған Сыбайлас жемқорлыққа қарсы іс-қимыл агенттігінің төрағасы Олжас Бектенов айтты, деп хабарлайды Stan.kz ақпарат агенттігі.
Ұсынылған деректерге сәйкес 2 айдың ішінде 240 адамның жемқорлыққа қатысы бар екені анықталды. Олардың 40-ы республикалық және облыстық деңгейдегі басшылар.
Күдікке ілінген шенеуніктер ішінде 1 вице-министр, 1 қала әкімі және облыстық басқармалардың 11 жетекшісі бар. Келтірілген шығынның орнын толтыру үшін күдіктілердің құны 5,4 миллиард теңге болатын мүлкіне тыйым салынған.
Айта кетейік, бұған дейін "Самұрық-Қазына", "Самұрық-Энерго" және "Қазақстан Темір жолы" басшылығына қатысты тергеу басталған еді. Олар лауазымдарын асыра пайдаланды деген күдікке ілінген.
"Мәйітін алып келуге 2 апта кетеді": Вьетнамға қызымен демалуға барған қазақстандық әйел көз жұмды
Турагенттіктің айтуынша, ертесі оған әйелдің қызы хабарласып, анасының көзін ашпай жатқанын айтқан
"Семіз екенімізді білеміз, айта берудің қажеті жоқ": Қазақстандықтар қоғамда толық адамдарға ашық қысым көрсетілетініне шағымданды
Алматылық: “Мә, қайда өсіп бара жатсың, дәу боп кеткенсің ғой” деу қаншалықты орынды?"