Қазақстан мини-футболдан әлем чемпионатында күміс медаль иеленді

БАӘ-ның Рас-эль-Хайма қаласында өткен мини-футболдан 2023 жылғы әлем чемпионаты аяқталды. Шешуші матчта Қазақстан құрамасы Румынияға есе жіберді. Бұл туралы Stan.kz ақпарат агенттігі хабарлайды. 

Шешуші матчтың негізгі уақыты 2:2 есебімен тең аяқталды. Қазақстандық Унгур Мерсеа Киприан  мен Авель Таржанов гол салды.

Экстра-тайм ештеңе шешпеді, ал пенальтиде румыниялық футболшылар басым түсіп, 12:11 болды.

Нәтижесінде Румыния құрамасы жеңімпаз атанды, қазақстандық футболшылар күміс медальді иеленді.  Ал үшінші орынды Венгрия алды. 

Айта кетейік, қазақстандық құрама мини-футболдан әлем біріншілігінің финалында тұңғыш рет ойнады. Олар үш команданы жеңіп, топтық кезеңнен сәтті өтіп, турнирдің 1/8 финалына бірінші болып шықты. Ал плей-офф кезеңінде Мексиканы, содан кейін Чехияны, ал жартылай финалда Әзірбайжанды жеңді.