Қазақстан Қырғызстанға екі мың тонна дизель отынын жіберді
Қазақстан Қырғызстанға екі мың тонна дизель отыны түрінде гуманитарлық көмек жіберді. Бұл туралы Stan.kz ақпарат агенттігі хабарлайды.
Фото pixabay-дан
KazAID Қазақстандық халықаралық даму агенттігінің мәліметінше, бұл көмек ҚР президенті Қасым-Жомарт Тоқаевтың тапсырмасы бойынша бөлінген.
Бұған дейін Бішкек ЖЭО-да 2 ақпанға қараған түні апат болып, жылу, ыстық су мәселелері туындады. Қазақстан жеткізген дизель отыны көлік, ауыл шаруашылығы және медициналық мекемелерді қоса алғанда, тыныс-тіршіліктің түрлі салаларындағы энергетикалық қажеттіліктерді қамтамасыз ету үшін пайдаланылады.
“Бұл гуманитарлық көмек – Қазақстанның көрші елдермен әріптестік қатынастарды дамыту жөніндегі тұрақты күш-жігерінің және бүкіл өңірді дамыту үшін қолайлы жағдай жасауға одан әрі жәрдемдесуінің бір бөлігі ”, – делінген KazAID хабарламасында.
28 ақпанда ҚР ТЖМ" Резерв "РМК" Заря" филиалынан 1000 тонна дизель отынының бірінші партиясын 17 вагон-цистернамен Қырғызстанға жөнелтілді.