Алматыда қылмысты жабуға уәде еткен тергеуші ұсталып қалды: Ол істі тоқтату үшін 3 миллион теңге сұраған

Алматы қаласында тергеуші қылмыстық істі тоқтатамын деп 3 миллион теңге талап еткен. Алайда бұл әрекет әшкереленіп, ол 4 жылға бас бостандығынан айырылды. Бұл туралы Stan.kz ақпарат агенттігі хабарлайды. 

Kozachkov offside Telegram арнасының мәліметінше, 26 жастағы Нұрсұлтан Талғат 2023 жылдан бастап ішкі істер органдарында қызмет етіп келген.

Ол 2025 жылдың ақпанында оны Алматы қалалық полиция департаментінің тергеу басқармасына іссапармен жіберген. Ол жерде адам саудасына қатысты қылмыстық іс тергеліп жатқан. Арнайы осы іс бойынша құрылған топқа ол да енгізілген. Оған күдіктіні жауапқа тарту, сондай-ақ оның телефондарын тексеру, алып қою және қарау тапсырылған. 

“Арада бірнеше ай өткен соң күдікті әйелдің танысы Уәли есімді адам онымен байланысқа шығады. Ол тергеуші Талғатты жақсы білетінін айтып, полицияда істі тоқтатуға және заттай айғақтарды қайтаруға мүмкіндік бар екенін, бірақ ол үшін 3 миллион теңге қажет екенін жеткізген. Алайда күдіктінің мұндай ақшасы болмаған. Осыдан кейін Талғат пен Уәли кезектесіп әйелге қоңырау шалып, әртүрлі нұсқаларды талқылаған. Күдікті әйелдің айтуынша, соңында олар істі 1,5 миллион теңгеге шешуге келіскен”, – делінген хабарламада. 

Бұдан соң әйел несие рәсімдеп, ақшаны полиция қызметкері берген нөмірлерге аударған. Талғат бұл қаражатты өзінің қарыздарын өтеуге бағыттаған адамдардың реквизиттерін берген. 

Оқыңыз

Ақтөбеде шенеунік парақорлық ісі бойынша түрмеден құтылу үшін Асанәлі Әшімовтің келуін пайдаланған Оқыңыз

Алайда бұл схема Ұлттық қауіпсіздік комитеті тарапынан бақылауға алынған. Олар Талғаттың әрекеттерін алдын ала біліп, оны құрықтаған. 

Талғат ұсталғаннан кейін өз кінәсін мойындаған. Бірақ оны пара алу емес, алаяқтық ретінде саралау керек деп мәлімдеген. Оның айтуынша, ол ақша алғанымен, істі тоқтатуға құқығы болмаған. Дегенмен сот оны пара алған деп танып, Жасұлан Хусаинов 4 жыл бас бостандығынан айыру жазасын тағайындады. 

Сонымен қатар үкімде Уәлидің делдалдық әрекетіне қатысты мәселе де қозғалған. Бірақ ол бойынша жеке құқықтық баға берілетіні айтылған.

Сот үкімі әзірге заңды күшіне енбеген.