Ғалымдар алдағы уақытта адам төзгісіз аптап ыстық болатынын айтты
Ғалымдар алдағы уақытта планетада адам төзгісіз ыстық болатынын мәлімдеді, деп хабарлайды Stan.kz ақпарат агенттігі.
Мамандар Канаданың Литтон ауылында 49,6 градустық ыстық болғанын еске салды. Олардың айтуларынша, Жер ғаламшарында климат кішкене жылынғанның өзінде оның арты температураның максималды көтерілуіне алып келеді.
Ғалымдар мұндай ыстық мың жылда бір рет қайталанатынын айтады. Бұған қоса, жаһандық жылыну да жағдайды қиындатқан.
"Климаттың жылынуы экстремалды аптап ыстықтың келуіне әсер етті. Біз мұндай ыстық тек алдағы уақытта болады деп ойлаған едік", – дейді Оксфорд университетінің ғалымы Фредерике Отто.
Нидерландылық зерттеуші Сьюкье Филипптің сөзінше, енді мұндай аптап ыстық жиі қайталанады. Ал егер планетаның температурасы 2040 жылға қарай тағы екі градусқа көтерілсе, онда әлемде алапат өрт пен түрлі зілзалалар орын алуы мүмкін.
Дәрігерлер аптап ыстықта коронавирустың қауіпі жоғарылайтынын айтты