Ферроқорытпа зауыптындағы апат: Компания қаза тапқан жұмысшылардың отбасына 10 жылдық жалақы мөлшерінде ақша төлейді
Қарағандыдағы ферроқорытпа зауытына тиесілі “YDD Corporation” компаниясы қайтыс болған жұмысшылардың отбасына қолдау көрсетіп, көмектесетінін мәлімдеді. Бұл туралы Stan.kz ақпарат агенттігі хабарлайды.
Фото: Stan.kz
Компания жерлеу рәсімін ұйымдастыру, ас өткізу және мазар салу бойынша барлық шығынды өз мойнына алады. Атап айтқанда, “YDD Corporation” компаниясы келесі міндеттемелерді атқарады:
- Отбасын қолдау үшін 10 жылдық жалақы мөлшерінде біржолғы төлем жасайды;
- Отбасының тұрғын үй жағдайын жақсартуға көмек көрсетеді;
- Қызметкер мен оның жұбайының барлық несиесін толық өтейді.
Сондай-ақ олар барлық зардап шеккен жұмысшыға медициналық көмек көрсетуді жалғастырып, қызметкерлердің мүмкіндігінше тезірек отбасына оралуларына жағдай жасайтынын айтты.
Еске салайық, 20 шілдеде Қарағанды ферроқорытпа зауытында төтенше жағдай болып, 8 жұмысшы әртүрлі дәрежеде жарақат алғанын жазған едік. Аталған дерек бойынша қылмыстық іс қозғалып, арнайы комиссия да құрылды. Кейінгі үш күнде зардап шеккен 8 қызметкердің төртеуі ауруханада көз жұмды.
Шымбұлақтан да үлкен жаңа Көкжайлау тау шаңғысы курорты салынады: Жоба алматылықтар үшін не береді
Дәл осы жобада жеке виллалардың салынбайтыны нормативтік құжатпен нақты бекітілуі қажет дейді Ержан Еркінбаев
"Әлемде мейірім барына сендіретін жандар": 2025 жылғы жан жылытар әрекеттер мен халықты тәнті еткен қазақстандықтар
Желі қолданушыларын тәнті еткен халық арасындағы қаһарман кейіпкерлердің әрекеттеріне шолу жасадық