"Есігімнің алдына шашып жүр": Ырысбала Икрамбай бақсы-балгерлерге ескерту жасады

Қайырымдылық іс-шарасын ұйымдастырып, баспана сыйлап жүрген блогер Ырысбала Икрамбай бақсы-балгерлерді сотқа бермек. Бұл туралы Stan.kz ақпарат агенттігі хабарлайды. 

Фото: https://www.instagram.com/irisbala__ikrambai_official/

Блогер жеке парақшасында есігінің алдында жүрген бейтаныс келіншектің әрекетін сынады. 

“Есігімнің алдына шашқан нәрселеріңді ұстап алып, ауыздарыңа тығамын. Сабырдың да шегі болатынын ескертемін. Төрт жағыма төрт тәуіп пен балгерді отырғызып қоюға шамам жетеді. Бірақ мен саналы түрде тек Алладан ғана қорқамын. Соған ғана сенемін. Алланың жаққан отын ақымақ үрлеп өшіре алмайды. Әуре болмасаңдаршы! Мен мұндай дүниелерді қабылдай алмаймын. Маған ақ батасын беріп, тілеуімді тілеп отырған халық бар. Алланың 99 есімінің бірі – Әл Халиқ. Ешкімнен пана таппаған қаншама адамға көмектестім. “Рақмет, Ырысты әпке” деп алғыс айтқан жетім балалар қаншама?! Біреуден қорқып отыруға уақытым жоқ екен”, – деп жазды блогер. 

• "36 миллион теңге қайда кетіп жатыр?": Блогер Ырысбала Икрамбай айлық табысын жариялады

• "Ағаң мен ініңнің әйелін тоқал қылып жүре бер": Ырысбала Икрамбай өзін сынағандарға ескерту жасады

Сонымен қатар желі жұлдызы бұл іс жалғаса берсе, сол адамдар заң алдында жауапқа тартылатынын ескертті. 

“Мен де кеше өмірге келген жоқпын. Азғындық жасау менің де қолымнан келеді. Енді есігімнің алдына келсе, үйге кіргізіп алып, мұрнын тегістеймін. Үйіме келіп, қастандық жасамақ болды, мен қорғандым” деп заң өкілдеріне ұстатып жіберемін. Біраз жылға жететін проблема жасап беремін. Дуа-пуаларыңды жинап алыңдар. Бұл дүниеде әркімнің тапсырысын орындамай, о дүниені де ойлап қойыңдар”, – деп ашуланды желі жұлдызы. 

Айта кетейік, Ырысбала Икрамбай қайырымдылық жасауды біржола тоқтатқанын айтқан еді.