“Ертіс” футбол клубының дәрігері ұшақтағы жолаушыны өлім аузынан құтқарып қалды

Түркияда оқу-жаттығу жиынын аяқтаған “Ертіс” футбол клубы Қазақстанға ұшу үшін “Ыстанбұл-Алматы” бағытындағы ұшаққа отырған. Ұшу кезінде жолаушылардың бірі өзін нашар сезініп, клуб дәрігері Александр Гайдуков дер кезінде көмек көрсетіп, ер адамның өмірін сақтап қалды.

Бұл туралы pavlodarnews.kz  хабарлайды.

“Кейін ол біздің дәрігерге алғысын білдірді”, – деді “Ертіс” ФК-ның баспасөз қызметінде.

Павлодардың тумасы Александр Гайдуков еліміздегі тәжірибелі әрі танымал футбол дәрігері. 1994 жылдан бастап медицина саласында еңбек етіп жатқан Александр Гайдуков 2005 жылы футболға ауысты.

Ол “Экибастузец»”, “Тобыл” сынды клубтар мен Қазақстан (U-17) құрамасының дәрігері болып істеген.

Оқи отырыңыз: