Оның айтуынша, біріншісін науқаста ауру өршіген жағдайда алуға болады. Екіншісі – тұрақты, тек азаматтың денсаулық паспортымен, яғни оның вакцинаға мүмкін болатын қарсы көрсетілімдері бар медициналық тарихы негізінде алу керек.

Сонымен қатар ол аллергияны сылтау етіп, вакцинадан бас тартатындар мамандардың қарауынан өтетінін ескертті.

"Аллергия бір күнде пайда болмайтынын бәріміз жақсы түсінеміз. Фельдшер сізге жағдай анықталғанша уақытша медициналық тағайындау жазып бере алады. Әрине, вакцина салдыруға келген науқас аллергиясы бар деп айтса, ешқандай медицина қызметкері өзіне қауіп төнбеу үшін тәуекелге бармайды. Бұл жағдайларда аллергиялық анамнезден басқа, тексеру әдістері бар. Клиникалық талдаулар бойынша адамның қаншалықты шындықты айтқанын анықтай алатын мамандардың консультациясы бар. Медициналық тағайындау алу оңайға түспейді. Өйткені мұнымен тұтас комиссия айналысатын болады", – дейді Нариман Табынбаев.

Сондай-ақ денсаулық сақтау басқармасының басшысы вакцина алғаннан кейін күтілетін реакция мәселесі туралы айта кетті. Ол үшін әр адам вакциналанғаннан кейін жарты сағат бойы медициналық мекемеде болуы керек.

"Бүгінгі таңда бізде реакциялардың бес мыңнан астам жағдайы тіркелген. Бұл инъекция орнындағы ауырсыну, дене қызуының көтерілуі немесе әлсіздік. Вакцинациядан кейінгі асқынуларға келетін болсақ, бізде мұндай жағдайлар әлі болған жоқ. Не гангрена, не асқыну, не инсульт", – деп нақтылады Табынбаев.

Ол, сонымен қатар вакцина алғаннан кейін қысқа уақыт ішінде тіркелген екі өлім туралы айтты. Табынбаевтың айтуынша, екі адамның өлімі жедел жүрек жеткіліксіздігінің салдарынан болған. Жүргізілген зерттеулер мен талдау олардың вакцинамен тікелей байланысты емес екенін көрсетті.

Талқылау