9-қабаттан балаларымен бірге құлап, ажал құшқан Бақтыгүлдің оқиғасы актрисаға да қатты әсер етсе керек, ол көпшілікке ойын айтты.
"Әйелдің 40 жаны жоқ. Бүгін ғана бір хат келді: “Времянкада тұрам, 5 балам бар, сіздің көмегіңіз ауадай қажет, күйеуім ақша таппайды” – дейді. Ақша таппайтын күйеуге 5 бала тауып бергені қалай енді деймін?! Айналайын әйелдер-ау! Бір бармақтарың бүгулі болсыншы.

Мал таппайтын, ұрып-соғатын, асырамайтын еркектің тұқымын көбейтіп, қарызға батып, өмірден түңіліп, бала бағып жүріп нан тауып, ешкімнен қолдау көрмей қасқайып жүріп ұзаққа бармайсың! Робот емессің ғой!?

Бәрімізді бір сілкіп алған кешегі оқиға соның көрінісі емес пе енді? Ол әйел де шарасыз, жертва, өмірден шаршаған, жан-жағынан, жақындарынан қолдау көрмеген әйел шығар.

Балалары не көріп үлгерді бұл өмірде? Олардың кінәсі не еді? Бүгін маған хат жазған 5 баласы бар әйел де ертең түңіліп, өмірден баз кешуі мүмкін ғой деген ойдың өзі жанымды жеді. Ойлаудың өзі қорқынышты!⠀
Әйелдер! Бала туғанда жоспарлайық.

"Әйел терминатор емес": Жұлдыз Әбдукәрімова әйелдерді қолдауға шақырды

"Үлбіреген 18-дегі қызды алғанның қай жері сүннет?": Дариға Бадықова тоқал тақырыбы жайлы

Жаныңыздағы еріңізге қараңыз. Әр баланың сапалы білім, тәрбие алуын ойлаңыз. Жүйкеңіз жұқарып, нервный боп жүріп ол балаға не тәрбие бере аласыз?! ⠀

Қыздар, жандарым, өз-өздеріңе жауапты болыңдаршы. Реально ойланыңдар! Жертва болмаңдар! Токсичный қарым-қатынастан қашыңдар! Қазір қызылды-жасылды дүние көп жан-жақта. Әр нәрсеге бір қызығамыз да, өмірімізді күл-талқан қыламыз. Байқасақ, өмірде жертва болатын көбіне әйелдер.⠀

Біздегі соқыр, отсталый қоғамға айқай сап айтқың келеді: ӘЙЕЛ МІНДЕТТІ ДЕГЕН НӘРСЕ ЖОҚ! Бүкіл жауапкершілікті әйелдің ғана мойнына артып тастауға болмайды. Семья болғасын әйелдің де, еркектің де мойнында бәрі. Ұл тәрбиелеп отырған аналар, ұлдарымызды әйелі мен баласы үшін жауапкершілік алатын, тірек болатын етіп тәрбиелейікші.
Ұл баланың да тәрбиесі маңызды рөл атқарады", – деп жазды актриса.

Талқылау